مصنف ابن ابي شيبه

حضرت علی رضی اللہ عنہارشاد فرماتے ہیں کہ محرم کے کپڑے اگر تنگ ہوجائیں اور اس کے پاس قباء کے علاوہ کوئی اور کپڑا نہ ہو تو اس کو پلٹ دے، اس کے اوپر والے حصے نیچے کر دے اور اس کو پہن لے۔

حضرت عطاء اور حضرت مجاہد فرماتے ہیں کہ محرم اپنے کندھوں کو قباء میں داخل نہیں کرے گا اور اگر قباء کو اوڑھ لے تو اس میں کوئی حرج نہیں۔

ابراہیم بھی اسی طرح فرماتے ہیں۔

حسن فرماتے ہیں کہ محرم اگر اپنے کندھے قباء میں داخل نہ کرے تو پھر اس کو اوڑھنے میں کوئی حرج نہیں۔

حضرت عکرمہ سے دریافت کیا گیا کہ محرم قباء پہن سکتا ہے ؟ آپ نے فرمایا قباء کو اتار دے گا (نہیں پہنے گا)