مصنف ابن ابي شيبه

حضرت عطاء فرماتے ہیں کہ جب طواف وداع کرلو تو جب تک مقام ابطح سے نکل نہ جاؤ کوئی اور عمل نہ کرو، جب مقام ابطح سے نکل جاؤ تو پھر کوئی حرج نہیں کہ وہاں ٹھہر جاؤ۔

حضرت عمر بن عبد العزیز نے طواف وداع کیا، پھر ایک قریشی شخص آپ کے پاس آیا اور آپ نے اس کی عیادت کی۔ آپ نے دوبارہ طواف وداع کیا۔

حضرت عمر بن عبد العزیز نے طواف کرنے کے بعد کوئی مکتوب لکھا پھر دوبارہ طواف وداع فرمایا۔

حضرت حمید سے دریافت کیا گیا کہ حسن کی کیا رائے تھی اس کے بارے میں کہ آدمی طواف وداع کرلے ؟ آپ نے فرمایا وہ اس میں کوئی حرج نہ سمجھتے تھے کہ جب اس کے سامنے کوئی چیز پیش کی جائے اور وہ اس کو خرید لے۔