مصنف ابن ابي شيبه

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وآلہ وسلم ، حضرت عثمان بن طلحہ اور حضرت بلال کعبہ کے اندر داخل ہوئے پھر کافی دیر دروازہ بند رہا، جب دروازہ کھلا تو سب سے پہلے میں اندر داخل ہوا اور حضرت بلال کو ملا اور ان سے دریافت کیا کہ نبی کریم صلی اللہ علیہ وآلہ وسلم نے کہاں پر نماز ادا فرمائی ہے ؟ حضرت بلال نے فرمایا کہ اگلے دو ستونوں کے درمیان۔

حضرت عروہ سے مروی ہے کہ نبی کریم صلی اللہ علیہ وآلہ وسلم نے کعبہ میں داخل ہونے کے بعد بالکل سامنے نماز ادا فرمائی۔

حضرت عبد الملک فرماتے ہیں کہ میں نے حضرت عطاء سے دریافت کیا کہ کیا کعبہ کے اطراف میں (کعبہ کے اندر) نماز پڑھی جاسکتی ہے ؟ آپ نے فرمایا ہاں جس مرضی کونے میں چاہو نماز پڑھ لو۔

حضرت ابن صفوان سے مروی ہے کہ نبی کریم صلی اللہ علیہ وآلہ وسلم کعبہ میں جب داخل ہوئے تو دو رکعتیں ادا فرمائیں۔