مصنف ابن ابي شيبه

حضرت ابن عمر رضی اللہ عنہما نے ایک شخص کو سنا کہ وہ طواف کے دوران قرآن پاک پڑھ رہا ہے، آپ نے اس کو منع کردیا۔

حضرت مجاہد طواف کرتے ہوئے قرآن پاک پڑھنے کو ناپسند کرتے تھے، لیکن وہ اللہ کا ذکر اور حمد وثنا کرتے تھے۔

حضرت عطاء فرماتے ہیں کہ طواف کے دوران قرآن کریم کی تلاوت کرنا بدعت ہے۔

حضرت ابراہیم بن نافع فرماتے ہیں کہ میں نے حضرت سعید بن جبیر کے ساتھ ساتھ طواف کیا، آپ دوران طواف اللہ کے ذکر سے نہیں تھکے، (ذکر کرتے رہے) ۔

حضرت حجاج فرماتے ہیں کہ میں نے حضرت عطاء سے دوران طواف قرآن پاک پڑھنے کے متعلق دریافت کیا ؟ آپ نے اس میں کوئی حرج نہ سمجھا۔

حضرت عثمان بن الاسود فرماتے ہیں کہ میں نے اپنے اصحاب کو طواف کے دوران حضرت مجاہد کے سامنے قرآن پاک پڑھتے ہوئے دیکھا۔

حضرت عروہ دوران طواف قرآن پاک پڑھنے کو ناپسند کرتے تھے۔