مصنف ابن ابي شيبه

حضرت ابن عباس رضی اللہ عنہما اس میں کوئی حرج نہیں سمجھتے کہ تین طلاق یافتہ عورت اور جس عورت کا شوھر فوت ہوگیا ہو وہ اگر اپنی عدت میں حج کرلیں۔

حضرت عطاء سے مروی ہے کہ حضرت عائشہ رضی اللہ عنہا نے حضرت ام کلثوم کو عدت میں حج کروایا۔

حسن فرماتے ہیں کہ اس میں کوئی حرج نہیں کہ عورت عدت میں حج کرے۔

حضرت عطاء سے دریافت کیا گیا کہ تین طلاق یافتہ عورت اور وہ عورت جس کا شوہر فوت ہوجائے اپنی عدت میں حج کرسکتی ہے ؟ آپ نے فرمایا ہاں، حضرت حبیب فرماتے ہیں کہ حسن بھی یہی فرماتے تھے۔