مصنف ابن ابي شيبه

حسن فرماتے ہیں کہ سب سے پہلے بصرہ میں ذکر و اذکار حضرت ابن عباس رضی اللہ عنہما نے اختیار فرمایا۔

حضرت موسیٰ بن ابو عائشہ رضی اللہ عنہا فرماتے ہیں کہ میں نے حضرت عمرو بن حریث کو نو ذوالحجہ کو دیکھا کہ وہ خطبہ دے رہے ہیں اور لوگ ان کے پاس جمع ہیں۔

حضرت الاعمش فرماتے ہیں کہ میں نے حضرت ابو وائل اور ان کے ساتھیوں کو دیکھا کہ وہ نو ذوالحجہ کے دن بیٹھے ہوئے ہیں، اور وہ اسی طرح آپس میں محو گفتگو ہیں جس طرح باقی دنوں میں ہوتے تھے۔

حضرت سعید بن المسیب کو یوم عرفہ کی سہ پہر دیکھا کہ انھوں نے پشت کے ساتھ امام کے کھڑے ہونے والی جگہ سے ٹیک لگائی ہوئی اور شام کی طرف رخ کیا ہوا ہے یہاں تک کہ سورج غروب ہوگیا۔

حضرت عبد الرحمن بن ابو بکرہ نے فرمایا کہ نویں ذوالحجہ کی سہ پہر صرف وہی لوگ جامع مسجد میں حاضر ہوں جو اس سے پہلے بھی آیا کرتے تھے۔

حضرت ابن عون فرماتے ہیں کہ محمد سے یوم عرفہ کی سہ پہر مسجد میں آنے کے متعلق لوگوں نے دریافت کیا ؟ آپ نے فرمایا کہ میں اس میں کوئی حرج نہیں سمجھتا، وہ اپنے گھر پر تشریف فرما تھے اور وہ اس سہ پہر میں اسی طرح گفتگو کر رہے تھے جس طرح باقی دنوں میں کیا کرتے تھے۔

حضرت حکم اور حضرت حماد سے عرفہ کی سہ پہر جمع ہونے کے متعلق دریافت کیا گیا ؟ آپ دونوں حضرات نے فرمایا یہ بدعت ہے۔

ابراہیم فرماتے ہیں کہ ذکر و اذکار صرف مکہ میں ہی ہوگا۔

حضرت ابراھیم فرماتے ہیں کہ یوم عرفہ کو ذکر و اذکار اور جمع مکہ میں ہوجائے گا۔

حضرت شعبی سے بھی یہی مروی ہے۔

حضرت زبید فرماتے ہیں کہ ہم لوگ صرف اپنی مسجدوں میں ہی یوم عرفہ میں ذکر و اذکار کرتے تھے۔

حضرت ابن الحنفیہ فرماتے ہیں کہ یوم عرفہ میں ذکرو اذکار صرف مکہ مکرمہ میں ہی کیا جائے گا۔

حضرت ابراھیم فرماتے ہیں کہ بیشک وہ حق اور سچ ہے جو یوم عرفہ میں لوگوں نے اپنے گھروں میں لازم کیا ہے۔

حضرت محمد بن سیرین سے مروی ہے کہ ہم نے زیاد کا زمانہ دیکھا اور ہم لوگ باقی سہ پہروں میں سے یوم عرفہ کی سہ پہر کا انکار نہیں کرتے تھے۔

حضرت عامر اور حضرت حکم فرماتے ہیں کہ یوم عرفہ میں ذکرو اذکار کرنا اور اجتماع کرنا بدعت ہے۔

حسن اور حضرت ابن سیرین عرفہ کی سہ پہر میں مسجد میں حاضر نہ ہوا کرتے تھے۔