مصنف ابن ابي شيبه

ابراہیم فرماتے ہیں کہ مریض کو تمام مناسک حج میں حاضر کیا جائے گا اور اس کو پالکی میں طواف کروایا جائے گا اور جب وہ رمی کرنے کا ارادہ کرے تو اس کی ہتھیلی پر پتھر رکھے جائیں گے پھر اس کی ہتھیلی سے کنکر اٹھا کر رمی کی جائے گی۔

حضرت عطاء فرماتے ہیں کہ اس کی طرف سے رمی کی جائے گی۔

حضرت طاوؤس فرماتے ہیں کہ مریض کی طرف سے طواف کیا جائے گا اور رمی کی جائے گی۔

حسن اور حضرت عطاء فرماتے ہیں کہ اس کی طرف سے رمی کی جائے گی۔

حضرت عبد الجبار بن ورد فرماتے ہیں کہ میرے والد بیمار تھے انھوں نے مجھے حضرت مجاہد کے پاس جمرات کی رمی کے متعلق دریافت کرنے کے لیے بھیجا ؟ آپ نے فرمایا ان کی طرف سے جو گھر والوں میں سے قریبی ہے وہ رمی کرے۔

حضرت عطاء فرماتے ہیں کہ جو مریض کی طرف سے طواف کرے مریض اس کو اجرت دے۔

حضرت طاؤس سے ایک مریضہ خاتون کے بارے میں دریافت کیا گیا ؟ آپ نے فرمایا : اس کی طر ف سے اس کے گھر والوں میں سے کوئی ایک رمی کرے۔