مصنف ابن ابي شيبه

حضرت ابن عمر رضی اللہ عنہما سے مروی ہے ک نبی کریم صلی اللہ علیہ وآلہ وسلم تلبیہ کے یہ الفاظ پڑھا کرتے تھے، لَبَّیْکَ اللَّہُمَّ لَبَّیْکَ ، لَبَّیْکَ لاَ شَرِیکَ لَکَ لَبَّیْکَ ، إِنَّ الْحَمْدَ وَالنِّعْمَۃَ لَکَ وَالْمُلْکَ ، لاَ شَرِیکَ لَکَ ۔

حضرت ابن عمر رضی اللہ عنہما سے اسی طرح مروی ہے۔

حضرت جابر سے مروی ہے کہ نبی کریم صلی اللہ علیہ وآلہ وسلم نے احرام باندھ کر توحید کے ساتھ یہ تلبیہ پڑھا، لَبَّیْکَ اللَّہُمَّ لَبَّیْکَ ، لَبَّیْکَ لاَ شَرِیکَ لَکَ لَبَّیْکَ ، إنَّ الْحَمْدَ وَالنِّعْمَۃَ لَکَ وَالْمُلْکَ ، لاَ شَرِیکَ لَک۔

حضرت عائشہ رضی اللہ عنہا فرماتی ہیں کہ میں نے وہ تلبیہ یاد کیا ہے جیسا تلبیہ رسول اکرم (صلی اللہ علیہ وآلہ وسلم) پڑھا کرتے تھے، لَبَّیْکَ اللَّہُمَّ لَبَّیْکَ ، لَبَّیْکَ لاَ شَرِیکَ لَکَ لَبَّیْکَ ، إنَّ الْحَمْدَ وَالنِّعْمَۃَ لَکَ ۔

حضرت ضحاک سے مروی ہے کہ حضرت ابن عباس رضی اللہ عنہما نے حضرت جابر کی روایت میں مذکور تلبیہ کے مثل پڑھا اور فرمایا اس تلبیہ کو لازم پکڑ لو، بیشک یہ رسول اکرم (صلی اللہ علیہ وآلہ وسلم) کا تلبیہ ہے۔

حضرت عبد اللہ ان الفاظ میں تلبیہ پڑھا کرتے تھے، لَبَّیْکَ اللَّہُمَّ لَبَّیْکَ ، لَبَّیْکَ لاَ شَرِیکَ لَکَ لَبَّیْکَ ، إنَّ الْحَمْدَ وَالنِّعْمَۃَ لَکَ وَالْمُلْکَ اور فرماتے کہ یہ رسول اکرم (صلی اللہ علیہ وآلہ وسلم) کا تلبیہ ہے۔

حضرت سعد بن ابی وقاص نے سنا ایک شخص یوں تلبیہ پڑھ رہا تھا کہ، لَبَّیْکَ ذَا الْمَعَارِجِ حضرت سعد نے فرمایا : لَبَّیْکَ ذَا الْمَعَارِجِ ! بیشک وہ بلندیوں والا ہے لیکن ہم لوگ نبی کریم صلی اللہ علیہ وآلہ وسلم کے زمانے میں ایسے تلبیہ نہیں پڑھا کرتے تھے۔

حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم تلبیہ میں یہ الفاظ فرماتے : لَبَّیْکَ إلَہَ الْحَقِ لَبَّیْکَ ۔

حضرت عبد الرحمن بن یزید فرماتے ہیں کہ حضرت عبد اللہ نے ہمیں یہ تلبیہ سیکھایا : لَبَّیْکَ اللَّہُمَّ لَبَّیْکَ ، لَبَّیْکَ لاَ شَرِیکَ لَکَ لَبَّیْکَ ، إنَّ الْحَمْدَ وَالنِّعْمَۃَ لَکَ ۔

حضرت خیثمہ فرماتے ہیں کہ صحابہ کرام یہی تین کلمات پڑھا کرتے تھے، اور حضرت اسود اس کو پڑھا کرتے تھے اور حضرت یزید یہ بھی پڑھا کرتے تھے کہ، وَالْمُلْکَ ، لاَشَرِیک لَک۔

حضرت اسو د فرماتے ہیں کہ حضرت عمر عرفہ کی شام سرخ اونٹ پر سوار تھے ، اور آپ نے ان الفاظ میں تین بار تلبیہ پڑھا : لَبَّیْکَ اللَّہُمَّ لَبَّیْکَ ، لَبَّیْکَ لاَشَرِیکَ لَکَ لَبَّیْکَ ، إِنَّ الْحَمْدَ وَالنِّعْمَۃَ لَکَ ۔ اور حضرت عمر کافی تیز چل رہے تھے اور جب بھی کسی ٹیلہ کے پاس سے گزرتے تو ہاتھ اٹھاتے اور تکبیر پڑھتے۔

حضرت مسور بن مخرمہ فرماتے ہیں کہ حضرت عمر ان الفاظ کے ساتھ تلبیہ پڑھتے : لَبَّیْکَ اللَّہُمَّ لَبَّیْکَ ، لَبَّیْکَ لاَشَرِیکَ لَکَ لَبَّیْکَ ، إِنَّ الْحَمْدَ وَالنِّعْمَۃَ لَکَ وَالْمُلْکَ ، لاَشَرِیکَ لَکَ لَبَّیْکَ ، مَرْغُوبًا ، وَمَرْہُوبًا إِلَیْکَ ، لَبَّیْکَ ذَا النَّعْمَائِ وَالْفَضْلِ الْحَسَنِ ۔

حضرت ابن عمر رضی اللہ عنہما اپنی طرف سے ان الفاظ کا اضافہ فرماتے : لَبَّیْکَ وَالرَّغْبَائُ إلَیْک وَالْعَمَلُ ، لَبَّیْکَ ۔

حضرت ابن عمر رضی اللہ عنہما سے مروی ہے کہ نبی کریم صلی اللہ علیہ وآلہ وسلم کی طرف سے خواتین کو یہ تلبیہ تلقین کیا گیا، لَبَّیْکَ اللَّہُمَّ لَبَّیْکَ ، لَبَّیْکَ لاَ شَرِیکَ لَکَ لَبَّیْکَ ، إِنَّ الْحَمْدَ وَالنِّعْمَۃَ لَکَ وَالْمُلْکَ ، لاَشَرِیکَ لَکَ اور ابن عمر رضی اللہ عنہما ان الفاظ کا اضافہ فرماتے : لبیک، وَالرَّغْبَائُ إلَیْکَ وَالْعَمَلُ ، لَبَّیْکَ وَسَعْدَیْکَ ۔