مصنف ابن ابي شيبه

حضرت عمار فرماتے ہیں کہ میں نے حضرت سعید بن جبیر کو حالت احرام میں دیکھا آپ نے سر پر چمڑے کی پٹی باندھ رکھی تھی پھر اس کو کاٹ دیا۔

حضرت ابن عمر رضی اللہ عنہما فرماتے ہیں محرم اپنے سر پر چمڑے کی یا کوئی اور پٹی نہ باندھے۔

حضرت عطاء سے دریافت کیا گیا کہ اگر محرم کے سر میں سخت درد شروع ہوجائے ؟ آپ نے فرمایا اگر چاہے تو وہ اپنے سر پر پٹی باندھ لے۔

حضرت عبد الرحمن بن یسار فرماتے ہیں کہ میں نے حضرت ابن عباس رضی اللہ عنہما کو نجدہ کے زمانے میں حالت احرام میں دیکھا آپ نے اپنے بالوں کو تسمہ نما چیز سے باندھ رکھا تھا۔