مصنف ابن ابي شيبه

حضرت ابن عباس رضی اللہ عنہما ارشاد فرماتے ہیں اے لوگو ! بیت اللہ کے اندر داخل ہونا تمہارے حج کے ارکان میں سے نہیں ہے۔

حضرت حجاج فرماتے ہیں کہ اگر چاہو بیت اللہ میں داخل ہو جاؤ اور اگر چاہو تو نہ داخل ہو، اور فرماتے ہیں اگر داخل ہو جاؤ تو یہ اچھا ہے لیکن نہ داخل ہونے میں بھی کوئی حرج نہیں ہے اور اگر داخل ہو جاؤ تو درمیانے ستون کے داہنی طرف ہو کر نماز ادا کرو۔

حضرت خیثمہ سے بیت اللہ میں داخل ہونے کے متعلق دریافت کیا گیا ؟ آپ نے فرمایا : اللہ کی قسم اگر تو داخل نہ ہو تو تجھے نقصان نہ دے گا۔

حضرت عطاء فرماتے ہیں کہ اگر چاہو نہ داخل ہو (کوئی حرج نہیں) ۔

حضرت مجاہد فرماتے ہیں کہ جو شخص بیت اللہ میں داخل ہوتا ہے وہ نیکی میں داخل ہوتا ہے اور گناہوں سے نکلتا ہے اور جب وہ واپس نکلتا ہے تو اس کی مغفرت ہوچکی ہوتی ہے۔