مصنف ابن ابي شيبه

حضرت الشیبانی فرماتے ہیں کہ میں نے حضرت سعید بن جبیر کے ساتھ طواف کیا آپ دوران طواف مجھ سے باتیں کرتے رہے۔

حضرت شریح بیت اللہ کا طواف کر رہے تھے ان سے ایک شخص نے مسئلہ دریافت کیا تو آپ نے اس کو مسئلہ بتایا۔

حضرت عبد الملک بن ابو سلیمان فرماتے ہیں کہ میں نے حضرت سعید بن جبیر کو دیکھا وہ طواف کر رہے تھے اور ان کے ساتھی ان سے باتیں پوچھ رہے تھے وہ ان کو جواب دے رہے تھے۔

حضرت یزید بن ابو زیاد کہتے ہیں کہ حضرت مجاہد، حضرت سعید بن جبیر، حضرت علی رضی اللہ عنہ بن عبد اللہ بن عباس رضی اللہ عنہما ، حضرت حسین بن حسین اور حضرت ابو جعفر بیت اللہ کے طواف کے دوران اور صفا ومروہ کی سعی کے دوران باتیں کرتے تھے۔

حضرت طاؤس فرماتے ہیں کہ جب حضرت ابو موسیٰ اور حضرت عمرو بن العاص حکومت سے الگ ہوئے تو حضرت ابو موسیٰ عمرہ کے لیے تشریف لائے اور میں وہ ایک ساتھ بیت اللہ کا طواف کر رہے تھے ایک شخص ان کے معارض ہوا اور ان سے عرض کیا، اے ابو موسیٰ ! یہ وہ فتنہ ہے جس کا آپ ذکر کرتے تھے ؟ آپ نے فرمایا نہیں ہے یہ مگر دھوکہ اور فریب دے کر ہم پر غالب آتا رہا اور غالب آگیا۔

حضرت النضر بن معبد کہتے ہیں کہ میں نے حضرت ابو قلابہ کو دوران طواف بات چیت کرتے ہوئے دیکھا۔

حضرت عبد الرحمن بن یزید فرماتے ہیں کہ میں حضرت ابو مسعود کو ملا وہ بیت اللہ کا طواف کر رہے تھے میں نے ان سے ایک بات دریافت کی ؟ آپ نے مجھ سے فرمایا اور پھر انہوں نے حدیث ذکر کی۔