مصنف ابن ابي شيبه

حضرت قتادہ فرماتے ہیں کہ ایک عورت حضرت شریح کے پاس آئی اور عرض کیا میں نے نذر مانی تھی کہ مسجد میں اعتکاف بیٹھوں گی، لیکن بادشاہ نے مجھے روک دیا، آپ نے فرمایا : اپنی قسم کا کفارہ ادا کر۔

حضرت عمرو بن ھرم سے مروی ہے کہ حضرت جابر بن زید سے دریافت کیا گیا کہ ایک عورت نے قسم کھائی ہے کہ وہ جامع مسجد میں ایک مہینہ اعتکاف بیٹھے گی، پھر اس سے ایسی چیز طلب کی گئی کہ وہ اب نکلنے کی طاقت نہیں رکھتی، آپ نے فرمایا جب اس سے مامون ہوجائے تو اعتکاف بیٹھ جائے۔