مصنف ابن ابي شيبه

حضرت ابن عون فرماتے ہیں کہ حضرت مسلمہ بن مخلد اور حضرت سلمان حانث ہونے سے قبل ہی کفارہ ادا کرنے کو جائز سمجھتے تھے۔

حضرت ابن سیرین فرماتے ہیں کہ حضرت ابو الدرداء نے ایک غلام کو بلایا اور اس کو آزاد کردیا، پھر بعد میں وہ حانث ہوئے تو اس غلام کو اس قسم کا کفارہ بنادیا۔

یونس فرماتے ہیں کہ حسن حانث ہونے سے قبل ہی کفارہ ادا فرما دیا کرتے تھے۔

حضرت اشعث فرماتے ہیں کہ حضرت ابن سیرین حانث ہونے سے پہلے ہی کفارہ ادا فرما دیا کرتے تھے۔

حضرت ابن عون فرماتے ہیں کہ محمد حانث ہونے سے قبل ہی کفارہ ادا فرمایا کرتے تھے اور حسن حانث ہوتے پھر کفارہ ادا کرتے۔

حضرت عبد اللہ بن کثیر فرماتے ہیں کہ انہوں نے سنا کہ ایک شخص نے حضرت جابر بن زید سے سوال کیا کہ میں نے قسم کھائی پھر اس کے علاوہ میں اس سے بہتری دیکھوں تو ؟ آپ نے فرمایا اپنی قسم کا کفارہ ادا کر اور جو بہتر ہے اس کا ارادہ کر۔