مصنف ابن ابي شيبه

ابراہیم فرماتے ہیں کہ جس کے ذمہ غلام آزاد کرنا ہو تو وہ ایک جان (غلام) خریدے، پھر جب اس کو نافذ کیا کسی عمل سے کسی عمل کی طرف، تو اس کی طرف سے کافی ہوجائے گا، اور کافی نہیں ہوگا جو اس نے عمل نہیں کیا، پس جو شخص عمل کرے تو کانا اور اس کی مثل ہے، اور جو عمل نہ کرے تو اندھا اور لنگڑا کے مثل ہے۔

حسن لنگڑے غلام اور وہ غلام جس کے اعضاء میں خرابی ہو کو رقبہ واجبہ میں ناپسند فرماتے تھے۔

حضرت عکرمہ سے ایک شخص نے سوال کیا کہ رقبہ واجبہ میں کانا غلام کافی ہوجائے گا ؟ آپ نے فرمایا : بہت سے کانے غلام کافی ہوجاتے ہیں، پھر وہ لوٹا اور عرض کیا کیا لنگڑا غلام کافی ہوجائے گا ؟ آپ نے فرمایا : قیامت کے دن وہ لنگڑے پن کے ساتھ آئے گا۔

ابراہیم فرماتے ہیں کہ کانا غلام کافی ہوجائے گا۔

حضرت حکم فرماتے ہیں کہ جس پر غلام آزاد کرنا ہے اس کی طرف سے مجنون غلام کافی نہ ہوگا۔

حضرت ابن جریج فرماتے ہیں کہ میں نے حضرت عطاء سے دریافت کیا، کیا قتل نفس میں مؤمن غلام کو آزاد کرنا جو کہ تندرست نہ ہو کافی ہوجائے گا اور وہ اس سے نفع حاصل کر رہا ہے، وہ غلام لنگڑا ہے یا اس کا عضو شل ہے ؟ آپ نے اس کا انکار کیا اور تندرست غلام کو پسند کیا۔

حضرت عامر فرماتے ہیں کہ نابینا غلام کفارہ میں دینا جائز ہے۔

حضرت عمرو فرماتے ہیں کہ میں نے حسن سے نابینے اور معذور غلام کے متعلق دریافت کیا ؟ آپ نے فرمایا کافی نہیں ہے۔