مصنف ابن ابي شيبه

حضرت امام شعبی فرماتے ہیں کہ نبی کریم صلی اللہ علیہ وآلہ وسلم کو حضرت علی، حضرت فضل اور حضرت اسامہ نے غسل دیا اور قبر میں داخل کیا۔ حضرت علی رضی اللہ عنہ فرما رہے تھے یا رسول اللہ ! میرے ماں باپ آپ پر قربان ! آپ کی زندگی بھی پاکیزہ تھی اور موت بھی پاکیزہ ہے۔ ابن ابی مرحب فرماتے ہیں کہ حضرت عبد الرحمن بن عوف بھی ان کے ساتھ قبر میں داخل ہوئے تھے، حضرت شعبی فرماتے ہیں میت کے اھل سے زیادہ کون قریبی ہوسکتا ہے ؟

حضرت سعید فرماتے ہیں کہ لوگوں میں سے (صرف) چار اشخاص تھے جنہوں نے نبی اکرم (صلی اللہ علیہ وآلہ وسلم) کو دفن کیا، حضرت علی، حضرت عباس، حضرت فضل اور حضرت صالح جو نبی اکرم (صلی اللہ علیہ وآلہ وسلم) کے غلام تھے۔

ابراہیم فرماتے ہیں کہ جتنے مرضی لوگ چاہیں قبر میں (مردے کو) اتار سکتے ہیں۔

حسن فرماتے ہیں کہ کوئی نقصان نہیں قبر میں اتارنے والے طاق ہوں یا جفت۔

حضرت عامر سے اسی طرح منقول ہے۔

حضرت قتادہ فرماتے ہیں کہ حسن سے اسی طرح منقول ہے۔