مصنف ابن ابي شيبه

حضرت ابراہیم بن مہاجر فرماتے ہیں کہ میں نے حضرت ابراہیم سے دریافت فرمایا کہ غیر مسلموں پر صدقہ کرنا کیسا ہے ؟ آپ نے فرمایا زکوٰۃ تو نہیں دے سکتے ہاں البتہ اگر ان میں سے کسی کو صدقہ دینا چاہو تو دے سکتے ہو۔

ابراہیم فرماتے ہیں کہ اہل ذمہ کو زکوٰۃ مت دو ، ان کو صدقات نافلہ دے دیا کرو۔

ابراہیم فرماتے ہیں کہ مشرکین کو زکوٰۃ میں سے کچھ بھی نہیں دیا جائے گا۔

حضرت جابر بن زید فرماتے ہیں کہ یہود و نصاریٰ کو زکوٰۃ مت دو ہاں البتہ صدقات نافلہ دینے میں کوئی حرج نہیں ہے۔

حسن فرماتے ہیں کہ مشرکین کو زکوٰۃ اور کفارات میں سے کچھ نہیں دیا جائے گا۔