مصنف ابن ابي شيبه

حضرت عطاء فرماتے ہیں کہ حضرت ابن عمر رضی اللہ عنہما جب اعتکاف کرنا چاہتے تو اپنے لئے ایک خیمہ بنالیتے، اسی میں اپنی ضروریات پوری فرماتے ۔ پھر نہ اپنے گھر والوں کے پاس آتے اور نہ چھت کے نیچے جاتے۔

حضرت عمر نے کچھ لوگوں کو دیکھا کہ انہوں نے مسجد میں اعتکاف کے لئے پردے لگائے ہوئے تھے۔ حضرت عمر نے انہیں اس سے منع کیا اور پوچھا کہ یہ کیا ہے ؟ انہوں نے کہا کہ ہم نے کھانا کھانے کے لئے پردے لگائے تھے۔ حضرت عمر نے فرمایا کہ تم کھانا کھانے کے لئے پردے لگاؤ جب کھانا کھا چکو تو پردے ہٹا دو ۔

حضرت عکرمہ فرماتے ہیں کہ معتکف چھت والے کمرے میں داخل نہیں ہوگا۔

ابراہیم فرماتے ہیں کہ معتکف چھت کے نیچے نہیں آئے گا۔

حضرت ابو سلمہ فرماتے ہیں کہ وہ گھر میں داخل نہیں ہوگا۔

حضرت شعبی فرماتے ہیں کہ وہ کمرے میں داخل نہیں ہوگا۔

حسن فرماتے ہیں کہ کمرے میں داخل نہیں ہوگا۔