مصنف ابن ابي شيبه

ابراہیم فرماتے ہیں کہ چار چیزوں میں امام جہر نہیں کرے گا : بِسْمِ اللہِ ، اسْتِعَاذَہ، آمِینَ اور اللَّہُم رَبَّنَا لَکَ الْحَمْدُ ۔

ابراہیم فرماتے ہیں کہ پانچوں چیزوں کو امام آہستہ آواز سے کہے گا : استعاذہ، ثنائ، بسم اللہ، آمین اور اللَّہُمَّ رَبَّنَا لَکَ الْحَمْدُ ۔

حسن اور حضرت ابن سیرین استعاذہ کو آہستہ آواز سے کہتے تھے۔

حضرت اسود فرماتے ہیں کہ میں نے حضرت عمر کو سنا کہ جب وہ نماز شروع کرتے تو یہ کلمات کہتے : اے اللہ ! تو پاک ہے اور تیری ہی تعریف ہے۔ تیرا نام بابرکت ہے، تیری شان بلند ہے، تیرے سوا کوئی معبود نہیں۔ حضرت اسود فرماتے ہیں کہ حضرت عمر یہ کلمات ہمیں سنایا کرتے تھے۔

ابراہیم فرماتے ہیں کہ امام ان چیزوں کو آہستہ کہے گا : بِسْمِ اللہِ ، اسْتِعَاذَہ، آمِینَ اور رَبَّنَا لَکَ الْحَمْدُ ۔

حضرت ابو وائل فرماتے ہیں کہ حضرت عبداللہ بِسْمِ اللہِ ، اسْتِعَاذَہ اور رَبَّنَا لَکَ الْحَمْدُ کو آہستہ آواز سے کہتے تھے۔