مصنف ابن ابي شيبه

حضرت عبد اللہ فرماتے ہیں کہ قرآن کو ہمیشہ دیکھتے رہا کرو۔

حضرت خیثمہ کہتے ہیں کہ میں حضرت عبد اللہ بن عمرو رضی اللہ عنہ کے پاس گیا وہ مصحف میں سے تلاوت کررہے تھے۔ انہوں نے فرمایا کہ یہ میرا روزانہ کا وظیفہ ہے جسے میں رات کو انجام دیتا ہوں۔

حضرت خیثمہ کہتے ہیں کہ میں حضرت عبد اللہ بن عمرو رضی اللہ عنہ کے پاس گیا وہ مصحف میں سے تلاوت کررہے تھے۔ انہوں نے فرمایا کہ یہ میرا روزانہ کا وظیفہ ہے جسے میں رات کو انجام دیتا ہوں۔

یونس فرماتے ہیں کہ اسلاف کا طریقہ مصحف میں دیکھنے کا تھا۔ حضرت احنف بن قیس جب اکیلے ہوتے تو مصحف میں دیکھا کرتے تھے۔

حضرت شمیسہ ام سلمہ کہتی ہیں کہ حضرت عائشہ رضی اللہ عنہا مصحف میں سے تلاوت کیا کرتی تھیں، جب وہ کسی آیت سجدہ سے گذرتی تو سجدہ کیا کرتی تھیں۔

حضرت ربیع مصحف سے دیکھ کر پڑھا کرتے تھے جب ان کے پاس کوئی آتا تو اسے ڈھانپ دیتے۔

حضرت اعمش کہتے ہیں کہ میں ابراہیم کے پاس آیا وہ مصحف سے دیکھ کر تلاوت کررہے تھے۔ ایک آدمی نے حاضر ہونے کی اجازت مانگی تو انہوں نے اسے ڈھانپ دیا اور فرمایا کہ یہ نہ دیکھ لے کہ میں ہر وقت اس کی تلاوت کرتا ہوں۔

حسن فرماتے ہیں کہ لوگ حضرت عثمان کے پاس آئے اور قرآن مجید ان کی گود میں تھا۔

حضرت ابو صالح عقیلی کہتے ہیں کہ حضرت ابو العلاء یزید بن عبد اللہ بن شخیر مصحف سے دیکھ کر پڑھتے یہاں تک کہ بےہوش ہوجاتے۔

حضرت لیث کہتے ہیں کہ میں نے حضرت طلحہ کو مصحف سے دیکھ کر پڑھتے دیکھا ہے۔