مصنف ابن ابي شيبه

حضرت شعبہ مولی ابن عباس رضی اللہ عنہما فرماتے ہیں کہ میں نے حضرت ابن عباس رضی اللہ عنہما کے ساتھ نماز پڑھی، نماز میں میں نے اپنی انگلیوں کو چٹخایا، جب میں نے نماز مکمل کرلی تو انہوں نے مجھے ڈانٹا اور فرمایا کہ تم نماز میں اپنی انگلیوں کو چٹخاتے ہو۔

ابراہیم نماز میں انگلیاں چٹخانے کو مکروہ خیال فرماتے تھے۔

حضرت عطاء نماز میں انگلیاں چٹخانے کو مکروہ خیال فرماتے تھے۔

حضرت سعید بن جبیر فرماتے ہیں کہ پانچ چیزیں نماز کو ناقص بنادیتی ہیں : انگڑائی لینا، ادھر ادھر دیکھنا، کنکریوں کو الٹ پلٹ کرنا، وساوس کا آنا اور انگلیوں کو چٹخانا۔

ابراہیم اور حضرت مجاہد نماز میں انگلیاں چٹخانے کو مکروہ خیال فرماتے تھے۔