مصنف ابن ابي شيبه

حضرت عوام بن حمزہ کہتے ہیں کہ میں نے حضرت ابو عثمان سے سوال کیا کہ قنوت رکوع سے پہلے ہوگی یا بعد میں ؟ انہوں نے فرمایا آپ کے پاس اس کا کوئی ثبوت ہے ؟ انہوں نے فرمایا کہ حضرت ابوبکر، حضرت عمر اور حضرت عثمان یونہی کیا کرتے تھے۔

حضرت ابو رجاء کہتے ہیں کہ میں نے حضرت ابن عباس رضی اللہ عنہما کے ساتھ بصرہ کی مسجد میں فجر کی نماز پڑھی، انہوں نے رکوع سے پہلے دعائے قنوت پڑھی۔

ایک اور سند سے یونہی منقول ہے۔

حضرت محمد بن یحییٰ بن حبان کہتے ہیں کہ نبی صلی اللہ علیہ وآلہ وسلم نے چالیس دن تک صبح کی نماز میں رکوع کے بعد دعائے قنوت پڑھی۔

حضرت ابن معقل فرماتے ہیں کہ حضرت عمر، حضرت علی رضی اللہ عنہ اور حضرت ابو موسیٰ نے فجر کی نماز میں رکوع سے پہلے دعائے قنوت پڑھی۔

حضرت ابو جہم فرماتے ہیں کہ حضرت براء رکوع سے پہلے دعائے قنوت پڑھا کرتے تھے۔

حضرت زید بن وہب کہتے ہیں کہ حضرت عمر نے فجر کی نماز میں رکوع سے پہلے دعائے قنوت پڑھی۔

حضرت ابو عثمان نہدی کہتے ہیں کہ میں نے حضرت عمر کے پیچھے فجر کی نماز پڑھی انہوں ں نے رکوع سے پہلے اس میں دعائے قنوت پڑھی۔

حضرت ابو عبدا لرحمن سلمی کہتے ہیں کہ حضرت علی رضی اللہ عنہ فجر کی نماز میں رکوع سے پہلے دعائے قنوت پڑھا کرتے تھے۔

حضرت عبید بن عمیر کہتے ہیں کہ میں نے حضرت عمر کے پیچھے فجر کی نماز ادا کی۔ انہوں نے رکوع سے پہلے اس میں دعائے قنوت پڑھی۔

ایک اور سند سے یونہی منقول ہے۔

حضرت نسیر بن ذعلوق فرماتے ہیں کہ میں نے حضرت ربیع بن خثیم کے پیچھے نماز پڑھی انہوں نے رکوع سے پہلے اس میں دعائے قنوت پڑھی۔

حضرت نعمان بن قیس کہتے ہیں کہ میں نے حضرت عبیدہ کے پیچھے فجر کی نماز پڑھی انہوں نے رکوع سے پہلے اس میں دعائے قنوت پڑھی۔

حضرت ابن ابی لیلیٰ فجر میں رکوع سے پہلے دعائے قنوت پڑھا کرتے تھے۔

حضرت طاوس فجر کی نماز میں رکوع سے پہلے بہت سی دعائیں کیا کرتے تھے۔