مصنف ابن ابي شيبه

حضرت عائشہ رضی اللہ عنہا فرماتی ہیں کہ نبی صلی اللہ علیہ وآلہ وسلم فجر کی دو سنتیں اذان اور اقامت کے درمیان اقامت سے پہلے پڑھا کرتے تھے۔

حضرت علی رضی اللہ عنہ فرماتے ہیں کہ نبی صلی اللہ علیہ وآلہ وسلم فجر کی دوسنتوں کو اذان کے وقت پڑھتے تھے، ایک راوی کے مطابق آپ نے انہیں ایک دن اقامت کے وقت بھی ادا فرمایا۔

حضرت ابن عمر رضی اللہ عنہما فجر کی دو سنتوں کو اس وقت پڑھتے تھے کہ گویا اذان آپ کے کانوں میں ہورہی ہو۔ یعنی اذان کے فورا بعد سنتیں پڑھ لیتے تھے۔