مصنف ابن ابي شيبه

حضرت عقبہ بن ابی جسرہ کہتے ہیں کہ میں نے اسحاق بن عبد اللہ بن حارث سے جمعہ کے دن غسل کے بارے میں سوال کیا تو انہوں نے فرمایا کہ ابن حارث سفر وحضر میں جمعہ کے دن غسل کیا کرتے تھے۔

حضرت عبد اللہ بن معدان کہتے ہیں کہ میں نے حضرت حبیب سے جمعہ کے دن غسل کے بارے میں سوال کیا کہ کیا یہ واجب ہے ؟ انہوں نے فرمایا کہ میں نے حضرت طلق کو دیکھا کہ مکہ سے قیدی بنا کر حجاج کے پاس لائے گئے، انہوں نے اس حالت میں بھی جمعہ کا غسل نہیں چھوڑا۔

حضرت جابر فرماتے ہیں کہ حضرت ابو جعفر سفر میں جمعہ کا غسل کیا کرتے تھے۔

حضرت زیاد بن حدیر کہتے ہیں کہ میں نے حضرت طلحہ کے لئے جمعہ کے دن پردہ کیا اور انہوں نے غسل کیا۔