مصنف ابن ابي شيبه

حضرت عبدا للہ سورۃ ص میں سجدہ نہ کیا کرتے تھے اور فرماتے تھے کہ یہ ایک نبی کی توبہ ہے۔

حضرت عبداللہ کے سامنے سورة ص کے سجدے کا ذکر کیا گیا تو انہوں نے فرمایا کہ یہ ایک نبی کی توبہ ہے۔

حضرت شعبی فرماتے ہیں کہ حضرت عبد اللہ سورة ص میں سجدہ نہ کرتے تھے اور فرماتے تھے کہ یہ ایک نبی کی توبہ ہے۔

حضرت ابو العالیہ فرماتے ہیں کہ بعض صحابہ سورة ص میں سجدہ کرتے تھے اور بعض نہیں کرتے تھے۔ تم ان میں سے جس کی چاہو پیروی کرلو۔

حضرت ابو ملیح سورة ص میں سجدہ نہیں کرتے تھے۔

حضرت ابو اسحاق فرماتے ہیں کہ حضرت ضحاک بن قیس نے خطبہ میں سورة ص کی تلاوت کی اور سجدہ کیا۔ حضرت علقمہ اور حضرت عبداللہ کے دوسرے شاگرد ان کے پیچھے کھڑے تھے انہوں نے سجدہ نہ کیا۔

حضرت ابو ضحی فرماتے ہیں کہ حضرت عبداللہ کے شاگرد سورة ص میں سجدہ نہ کیا کرتے تھے۔