مصنف ابن ابي شيبه

حضرت ابن عباس رضی اللہ عنہما فرماتے ہیں کہ سورة ص میں سجدہ ہے۔ پھر انہوں نے اس آیت کی تلاوت کی { أُولَئِکَ الَّذِینَ ہَدَی اللَّہُ فَبِہُدَاہُمُ اقْتَدِہِ }۔

حضرت ابن عمر رضی اللہ عنہما فرمایا کرتے تھے کہ سورة ص میں سجدہ ہے۔

حضرت زہری فرماتے ہیں کہ میں سورۃ ص میں سجدہ نہیں کیا کرتا تھا، پھر مجھے حضرت عطاء بن سائب نے بتایا کہ حضرت عثمان اس سورت میں سجدہ کیا کرتے تھے۔

حضرت سعید بن جبیر فرماتے ہیں کہ حضرت عمر سورۃ ص میں سجدہ کیا کرتے تھے۔

حضرت مجاہد فرماتے ہیں کہ حضرت ابن عباس رضی اللہ عنہما سورة ص میں سجدہ کیا کرتے تھے اور اس آیت کی تلاوت کرتے { أُولَئِکَ الَّذِینَ ہَدَی اللَّہُ فَبِہُدَاہُمُ اقْتَدِہِ }۔

حضرت ابن عباس رضی اللہ عنہما فرماتے ہیں کہ نبی پاک حضور صلی اللہ علیہ وآلہ وسلم سورة ص میں سجدہ کیا کرتے تھے۔

حضرت سعید بن جبیر فرماتے ہیں کہ نبی پاک حضور صلی اللہ علیہ وآلہ وسلم نے منبر پر سورة ص کی تلاوت کی ، جب آیت سجدہ پر پہنچے تو منبر سے نیچے اتر کر سجدہ کیا۔

حضرت عبد اللہ بن حارث فرماتے ہیں کہ سورة ص کا سجدہ واجب ہے۔

حضرت مسروق فرماتے ہیں کہ حضرت ابن عباس رضی اللہ عنہما کے یہاں سورة ص کا ذکر کیا گیا تو انہوں نے فرمایا { أُولَئِکَ الَّذِینَ ہَدَی اللَّہُ فَبِہُدَاہُمُ اقْتَدِہِ }۔

حضرت طاوس سورة ص میں سجدہ کیا کرتے تھے۔

حضرت سفیان بن حسین فرماتے ہیں کہ میں حضرت حسن کے پاس تھا انہوں نے سورة ص کی آیت سجدہ کی تلاوت کی اور پھر سجدہ کیا۔

حضرت مسروق سورۃ ص میں سجدہ کیا کرتے تھے۔

حضرت ابو عبد الرحمن سورة ص میں سجدہ کیا کرتے تھے۔

حضرت سعید بن جبیر فرماتے ہیں کہ میں نے حضرت ضحاک بن قیس کو سورۃ ص میں سجدہ کرتے دیکھا تو اس کا ذکر حضرت ابن عباس رضی اللہ عنہما سے کیا۔ انہوں نے فرمایا کہ انہوں نے حضرت عمر بن خطاب کو سورة ص میں سجدہ کرتے دیکھا ہے۔

حضرت ابن عباس رضی اللہ عنہما فرماتے ہیں کہ سورة ص میں سجدہ ہے۔ پھر انہوں نے اس آیت کی تلاوت کی { أُولَئِکَ الَّذِینَ ہَدَی اللَّہُ فَبِہُدَاہُمُ اقْتَدِہِ }