مصنف ابن ابي شيبه

حضرت ابن عمر رضی اللہ عنہما فرماتے ہیں کہ میں نے نبی کریم صلی اللہ علیہ وآلہ وسلم کو دیکھا کہ آپ دونوں سجدوں کے درمیان رفع یدین نہ فرماتے تھے۔

حضرت یحییٰ بن ابی اسحاق کہتے ہیں کہ حضرت انس دونوں سجدوں کے درمیان رفعِ یدین فرماتے تھے۔

حضرت نافع فرماتے ہیں کہ حضرت ابن عمر رضی اللہ عنہما جب پہلے سجدے سے سر اٹھاتے تو رفعِ یدین فرماتے تھے۔

ایوب فرماتے ہیں کہ میں نے حضرت نافع اور حضرت طاوس کو دیکھا کہ وہ دونوں سجدوں کے درمیان رفع یدین کیا کرتے تھے۔

حضرت اشعث فرماتے ہیں کہ حسن اور حضرت ابن سیرین دونوں سجدوں کے درمیان رفع یدین کرتے تھے۔

حضرت ابن علیہ فرماتے ہیں کہ میں نے ایوب کو ایسا کرتے دیکھا ہے۔