مصنف ابن ابي شيبه

حضرت اسود فرماتے ہیں کہ حضرت بلال کی اذان کے آخری کلمات یہ تھے : لا الہ الا اللہ۔

ابراہیم اور حضرت شعبی فرماتے ہیں کہ حضرت بلال کی اذان کے آخری کلمات یہ ہوا کرتے تھے : اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔

حضرت عطاء فرماتے ہیں کہ حضرت ابو محذورہ نے محمد (صلی اللہ علیہ وآلہ وسلم) ، حضرت ابوبکر اور حضرت عمر کے لئے اذان دی ہے، ان کی اذان کے آخری کلمات یہ ہوا کرتے تھے : اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔

ایک اور سند سے یونہی منقول ہے۔

حضرت عمر بن ذرّ فرماتے ہیں کہ میں نے ابراہیم کو فرماتے ہوئے سنا کہ وہ اذان کے آخر میں یہ کلمات کہا کرتے تھے : اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔

حضرت یزید فرماتے ہیں کہ حضرت ابو صادق اذان کے آخر میں یہ کلمات کہا کرتے تھے۔ اللہ اکبر اللہ اکبر لا الہ الا اللہ۔ انہوں نے فرمایا کہ حضرت بلال کی اذان کے بھی آخری کلمات یہی تھے۔

حضرت اسود بن یزید کہتے ہیں کہ حضرت ابو محذورہ کی اذان کے آخری کلمات یہ ہوا کرتے تھے : اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔

حضرت اسود کہتے ہیں کہ حضرت بلال کی اذان کے آخری کلمات یہ ہوا کرتے تھے : اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔

حضرت عبدالعزیز بن رفیع فرماتے ہیں کہ رسول اللہ صلی اللہ علیہ وآلہ وسلم نے مکہ کی اذان کے لیے حضرت ابو محذورہ کو مقرر کیا تھا، ان کی اذان کے آخری کلمات یہ تھے : اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔

ابراہیم فرماتے ہیں کہ حضرت بلال کی اذان کے آخری کلمات یہ ہوا کرتے تھے۔ اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔