مصنف ابن ابي شيبه

حضرت عطاء فرماتے ہیں کہ جس کے دبر سے کیڑا نکل آئے اسے وضو کرنا ہوگا۔

ابراہیم فرماتے ہیں کہ ایسے شخص پر وضو لازم نہیں۔

حسن فرماتے ہیں کہ اگر آدمی کے دبر سے کیڑا نکلے تو اسے وضو کرنا ہوگا۔

حضرت ابو العالیہ فرماتے ہیں کہ انسان کے اوپر کے نصف جسم سے کوئی چیز نکلے تو وضو نہیں اور اگر نیچے کے نصف سے کوئی چیز نکلے تو وضو ہے۔

حضرت حماد فرماتے ہیں کہ ایسا شخص وضو کرے گا۔

حضرت موسیٰ بن عبد اللہ فرماتے ہیں کہ میں نے ابراہیم سے سوال کیا کہ میرے دبر سے کیڑا نکلا ہے، کیا میں وضو کروں گا ؟ انہوں نے فرمایا کہ تم وضو نہیں کروگے۔