مصنف ابن ابي شيبه

حضرت ابن جریج فرماتے ہیں کہ حضرت عطاء گدھے کے جوٹھے کو مکروہ نہیں سمجھتے تھے۔

حضرت ابو الحباب فرماتے ہیں کہ حضرت جابر بن زید گدھے کے جوٹھے کو مکروہ نہیں سمجھتے تھے۔

حضرت زہری فرماتے ہیں کہ گدھے کے جوٹھے میں کوئی حرج نہیں۔

حضرت شعبہ فرماتے ہیں کہ میں نے حضرت حکم سے پوچھا ” میں نے گدھے کے جوٹھے سے وضو کیا پھر میں نے نماز پڑھ لی تو کیا میں نماز دوبارہ پڑھوں ؟ حضرت حکم نے فرمایا کہ نماز دہرانے کی ضرورت نہیں۔ میں نے اس بارے میں حضرت حماد سے سوال کیا تو انہوں نے فرمایا ” میں اس بات کو بہتر سمجھتا ہوں کہ تم دوبارہ نماز پڑھ لو۔

حضرت عامر فرماتے ہیں کہ خچر کے جوٹھے میں کوئی حرج نہیں۔

حضرت ابو جعفر فرماتے ہیں کہ کسی جانور کے جوٹھے میں کوئی حرج نہیں۔