المعجم الكبير للطبراني

سیدنا انس بن مالک رضی اللہ عنہ سے روایت ہے کہ سیدہ رُبَیِّع بنت نضر رضی اللہ عنہا نے انصار کی ایک لڑکی کو طمانچہ مارا اور اس کا سامنے والا دانت توڑ دیا، چنانچہ وہ لوگ نبی کریم ﷺ کے پاس آئے اور قصاص کا مطالبہ کیا، تو انس بن نضر رضی اللہ عنہ نے کہا: یا رسول اللہ! کیا رُبَیِّع کا دانت توڑا جائے گا؟ رسول اللہ ﷺ نے فرمایا: ”اے انس! اللہ کی کتاب کا حکم قصاص ہی ہے۔“ چنانچہ قوم نے معاف کر دیا۔ اس پر رسول اللہ ﷺ نے فرمایا: ”اللہ کے بندوں میں کچھ ایسے بھی ہیں کہ اگر وہ اللہ پر قسم کھا لیں تو اللہ ان کی قسم پوری فرما دے، انہی میں سے انس بن نضر ہیں۔“

سیدنا انس بن مالک رضی اللہ عنہ سے روایت ہے کہ سیدہ رُبَیِّع بنت نضر رضی اللہ عنہا نبی کریم ﷺ کی خدمت میں حاضر ہوئیں اور عرض کیا: یا رسول اللہ! میرا بیٹا حارثہ بدر کے دن شہید ہو گیا، اگر وہ جنت میں ہے تو میں صبر کروں گی اور اجر کی امید رکھوں گی، اور اگر ایسا نہیں تو میں رونے میں خوب کوشش کروں گی۔ آپ ﷺ نے فرمایا: ”اے ام حارثہ! جنت میں کئی باغات ہیں، اور تمہارے بیٹے نے فردوس اعلیٰ پایا ہے۔“