المعجم الكبير للطبراني

سیدہ حبیبہ بنت ابی سفیان رضی اللہ عنہا کہتی ہیں: میں سیدہ عائشہ رضی اللہ عنہا کے گھر میں بیٹھی تھی کہ نبی کریم ﷺ تشریف لائے اور فرمایا: ”جس مسلمان میاں بیوی کے تین بچے فوت ہو جائیں جو ابھی بلوغت کو نہ پہنچے ہوں، تو اللہ ان بچوں پر اپنی رحمت کے فضل سے ان دونوں کو جنت میں داخل کر دے گا۔“

سیدہ حبیبہ رضی اللہ عنہا کہتی ہیں: وہ سیدہ عائشہ رضی اللہ عنہا کے پاس تھیں کہ نبی کریم ﷺ تشریف لائے اور ان کے ہاں داخل ہوئے تو فرمایا: ”جس مسلمان میاں بیوی کے تین بچے فوت ہو جائیں جو ابھی بلوغت کو نہ پہنچے ہوں، تو انہیں قیامت کے دن لایا جائے گا، یہاں تک کہ انہیں جنت کے دروازے پر کھڑا کر دیا جائے گا، تو ان سے کہا جائے گا: جنت میں داخل ہو جاؤ، تو وہ کہیں گے: جب تک ہمارے والدین داخل نہ ہو جائیں، تو ان سے کہا جائے گا: تم اور تمہارے والدین سب جنت میں داخل ہو جاؤ۔“