المعجم الكبير للطبراني

سیدہ زینب بنت ام سلمہ رضی اللہ عنہما اپنی والدہ سیدہ ام سلمہ رضی اللہ عنہا سے بیان کرتی ہیں کہ نبی کریم ﷺ نے سیدہ ام سلمہ رضی اللہ عنہا کے دروازے پر جھگڑے کا شور سنا تو آپ ﷺ ان کی طرف نکل کر تشریف لائے اور فرمایا: ”تم لوگ اپنے جھگڑے میرے پاس لاتے ہو، حالانکہ میں بھی ایک انسان ہوں، ہو سکتا ہے تم میں سے کوئی اپنی دلیل بیان کرنے میں دوسرے سے زیادہ چرب زبان ہو، تو میں اسی کے حق میں فیصلہ کر دوں جو سنوں اور اسے سچا سمجھوں۔ پس جس کے حق میں، میں نے اس کے بھائی کے حق میں سے کچھ فیصلہ دے دیا ہو تو وہ آگ کا ایک ٹکڑا ہے، چاہے وہ اسے لے لے یا چھوڑ دے۔“

سیدہ زینب بنت ام سلمہ رضی اللہ عنہما اپنی والدہ سیدہ ام سلمہ رضی اللہ عنہا سے بیان کرتی ہیں کہ نبی کریم ﷺ نے سیدہ ام سلمہ رضی اللہ عنہا کے دروازے پر جھگڑنے والوں کا شور سنا تو آپ ﷺ ان کی طرف نکل کر تشریف لائے، پھر اسی طرح ارشاد فرمایا۔