المعجم الكبير للطبراني

سیدہ ام سلمہ رضی اللہ عنہا سے روایت ہے، فرماتی ہیں: رسول اللہ ﷺ سیدنا ابوسلمہ رضی اللہ عنہ کے پاس تشریف لائے تو ان کی نظر کھلی رہ گئی تھی، تو آپ ﷺ نے ان کی آنکھیں بند کر دیں اور فرمایا: ”جب روح قبض کی جاتی ہے تو نظر بھی اس کے پیچھے جاتی ہے۔“ اس پر ان کے گھر والوں میں سے کچھ لوگ چیخنے چلانے لگے، تو آپ ﷺ نے فرمایا: ”اپنے لیے صرف بھلائی کی دعا کرو، کیونکہ فرشتے تمہاری بات پر آمین کہتے ہیں۔“ پھر آپ ﷺ نے دعا فرمائی: ”اے اللہ! ابوسلمہ کو بخش دے اور ہدایت یافتہ لوگوں میں اس کا درجہ بلند فرما، اور باقی رہ جانے والوں میں اس کی اولاد میں اس کا نعم البدل بن، اور ہمیں اور اسے بخش دے، اے تمام جہانوں کے رب! اے اللہ! اس کی قبر کشادہ فرما دے اور اس میں اس کے لیے روشنی پیدا فرما۔“

سیدہ ام سلمہ رضی اللہ عنہا سے روایت ہے کہ نبی کریم ﷺ نے سیدنا ابوسلمہ رضی اللہ عنہ کی آنکھیں بند کر دیں۔

سیدہ ام سلمہ رضی اللہ عنہا سے روایت ہے کہ رسول اللہ ﷺ سیدنا ابوسلمہ رضی اللہ عنہ کے پاس تشریف لائے، پھر (راوی نے) فزاری کی حدیث کی طرح واقعہ بیان کیا۔