المعجم الكبير للطبراني

سیدہ ام سلمہ رضی اللہ عنہا سے روایت ہے کہ نبی کریم ﷺ نے ان کے گھر میں عصر کے بعد دو رکعتیں پڑھیں، جو نہ اس سے پہلے پڑھی تھیں اور نہ اس کے بعد پڑھیں۔

سیدہ ام سلمہ رضی اللہ عنہا سے روایت ہے کہ رسول اللہ ﷺ نے فرمایا: ”رکن اور مقام کے درمیان ایک شخص کے ہاتھ پر بدر کے شرکاء کی تعداد کے برابر لوگ بیعت کریں گے، تو اس کے پاس اہلِ عراق کے جتھے اور اہلِ شام کے ابدال آئیں گے، پھر اہلِ شام کی ایک فوج ان سے لڑنے آئے گی، یہاں تک کہ جب وہ بیداء میں پہنچیں گے تو انہیں زمین میں دھنسا دیا جائے گا۔ اس کے خلاف قریش کا ایک آدمی لڑنے آئے گا جس کے ننہیال قبیلہ کلب سے ہوں گے، تو دونوں فوجیں آمنے سامنے ہوں گی اور وہ انہیں شکست دے گا۔“ چنانچہ کہا جاتا تھا: نامراد وہ ہے جو کلب کی غنیمت سے محروم رہے۔