المعجم الكبير للطبراني

سیدنا ابوثعلبہ خشنی رضی اللہ عنہ سے روایت ہے کہ انہوں نے عرض کیا: یا رسول اللہ! میں اہلِ کتاب کی سرزمین میں ہوں، ہم ان کی ہانڈیوں میں پکاتے اور ان کے برتنوں میں پیتے ہیں۔ رسول اللہ ﷺ نے فرمایا: ”اگر تمہیں ان کے سوا کچھ نہ ملے تو انہیں پانی سے دھو لو۔“ انہوں نے عرض کیا: یا رسول اللہ! ہم شکار کی سرزمین میں ہیں، تو ہم کیا کریں؟ آپ ﷺ نے فرمایا: ”جب تُو اپنا سدھایا ہوا کتا شکار پر چھوڑے اور اللہ کا نام لے تو کھا لے، اور اگر وہ سدھایا ہوا نہ ہو تو اسے ذبح کر کے کھا، اور جب تُو اپنا تیر چھوڑے اور اللہ کا نام لے تو کھا لے۔“

سیدنا ابوثعلبہ رضی اللہ عنہ سے روایت ہے، وہ کہتے ہیں کہ میں نے رسول اللہ ﷺ سے پوچھا: ہمیں سفر میں مشرکین کے برتنوں کی ضرورت پڑتی ہے، ہم ان میں پکاتے اور پیتے ہیں۔ آپ ﷺ نے فرمایا: ”انہیں پانی سے دھو لو، پھر ان میں پکاؤ اور پیو۔“