المعجم الكبير للطبراني

سیدنا ابوجحیفہ رضی اللہ عنہ سے روایت ہے کہ سیدنا بلال رضی اللہ عنہ نکلے اور ایک نیزہ گاڑ دیا، تو رسول اللہ ﷺ نے اس کی طرف منہ کر کے نماز پڑھی جبکہ آپ ﷺ کے سامنے سے گدھا اور کتا گزر رہا تھا، اور وہ رسول اللہ ﷺ کے وضو کا بچا ہوا پانی بھی لے کر نکلے۔
حمیدی نے اپنی روایت میں ”اور عورت“ کا اضافہ کیا ہے۔

سیدنا ابوجحیفہ رضی اللہ عنہ فرماتے ہیں: میں ابطح میں نبی کریم ﷺ کے خیمے کے پاس پہنچا تو سیدنا بلال رضی اللہ عنہ نکلے اور نماز کے لیے پکارا، پھر بلال رضی اللہ عنہ اندر گئے اور نیزہ نکال لائے، پھر نبی کریم ﷺ نکلے اور نیزہ گاڑ دیا اور اقامت کہی گئی، تو رسول اللہ ﷺ نے ہمیں نماز پڑھائی جبکہ آپ ﷺ کے سامنے سے گدھا اور عورت گزر رہے تھے۔

سیدنا ابوجحیفہ رضی اللہ عنہ سے روایت ہے کہ رسول اللہ ﷺ نے فرمایا: ”ابوبکر اور عمر رضی اللہ عنہما، انبیاء و مرسلین کے سوا، اگلوں اور پچھلوں میں سے جنتی بزرگوں کے سردار ہیں۔“