المعجم الكبير للطبراني

سیدنا کعب بن عجرہ رضی اللہ عنہ سے روایت ہے کہ رسول اللہ ﷺ نے فرمایا: ”جو کسی مومن کی کوئی تکلیف دور کرے، اللہ قیامت کے دن اس کی ایک تکلیف دور فرمائے گا، اور جو کسی مومن کی پردہ پوشی کرے، اللہ اس کی پردہ پوشی فرمائے گا، اور جو کسی مومن کی کوئی مشکل آسان کرے، اللہ اس کی ایک مشکل آسان فرمائے گا۔“

سیدنا کعب بن عجرہ رضی اللہ عنہ کہتے ہیں: رسول اللہ ﷺ نے مجھے حکم دیا کہ میں اپنا سر منڈواؤں اور ایک بکری کا فدیہ دوں۔

سیدنا کعب بن عجرہ رضی اللہ عنہ کہتے ہیں: نبی کریم ﷺ نے مجھے حکم دیا، جب جوؤں نے مجھے تکلیف دی، کہ میں اپنا سر منڈوا لوں، پھر تین دن روزے رکھوں یا چھ مسکینوں کو کھانا کھلاؤں، اور آپ ﷺ کو معلوم تھا کہ میرے پاس ذبح کرنے کے لیے کچھ نہیں تھا۔