المعجم الكبير للطبراني

سیدنا عوف بن مالک اشجعی رضی اللہ عنہ کہتے ہیں کہ رسول اللہ ﷺ نے فرمایا: ”تمہارے بہترین حکمران وہ ہیں جن سے تم محبت کرو اور وہ تم سے محبت کریں، تم ان کے لیے دعا کرو اور وہ تمہارے لیے دعا کریں، اور تمہارے بدترین حکمران وہ ہیں جن سے تم نفرت کرو اور وہ تم سے نفرت کریں، تم ان پر لعنت کرو اور وہ تم پر لعنت کریں۔“ صحابہ نے عرض کیا: تو کیا ہم ان سے بغاوت نہ کر دیں یا رسول اللہ؟ آپ ﷺ نے فرمایا: ”نہیں، جب تک وہ پانچوں نمازیں قائم رکھیں، البتہ جس کا کوئی حاکم ہو اور وہ اسے اللہ کی نافرمانی کرتے دیکھے تو وہ اس نافرمانی کو ناپسند کرے، خبردار! اطاعت سے ہاتھ نہ کھینچو۔“

سیدنا عوف بن مالک رضی اللہ عنہ سے روایت ہے کہ نبی کریم ﷺ نے فرمایا: ”تمہارے بہترین حکمران وہ ہیں جن سے تم محبت کرو اور وہ تم سے محبت کریں، تم ان کے لیے اللہ سے دعا کرو اور وہ تمہارے لیے دعا کریں، اور تمہارے بدترین حکمران وہ ہیں جن سے تم نفرت کرو اور وہ تم سے نفرت کریں، تم ان پر لعنت کرو اور وہ تم پر لعنت کریں۔“ عرض کیا گیا: یا رسول اللہ، تو کیا ہم ان سے بغاوت نہ کر دیں؟ آپ ﷺ نے فرمایا: ”نہیں، جب تک وہ تم میں نماز قائم رکھیں، پس اگر تم اپنے حاکم میں کوئی ناپسندیدہ بات دیکھو تو اس کے عمل کو ناپسند کرو، اور اطاعت سے ہاتھ نہ کھینچو۔“

سیدنا عوف بن مالک رضی اللہ عنہ کہتے ہیں کہ رسول اللہ ﷺ نے فرمایا: ”تمہارے بہترین حکمران وہ ہیں جن سے تم محبت کرو اور وہ تم سے محبت کریں، تم ان کے لیے دعا کرو اور وہ تمہارے لیے دعا کریں، اور تمہارے بدترین حکمران وہ ہیں جن سے تم نفرت کرو اور وہ تم سے نفرت کریں، تم ان پر لعنت کرو اور وہ تم پر لعنت کریں۔“ ہم نے عرض کیا: یا رسول اللہ، تو کیا ہم اس وقت ان سے بغاوت نہ کر دیں؟ آپ ﷺ نے فرمایا: ”نہیں، جب تک وہ تم میں نماز قائم رکھیں، اور جس کا کوئی حاکم ہو اور وہ اس میں اللہ کی کوئی نافرمانی دیکھے تو وہ اس نافرمانی کو ناپسند کرے، اور اطاعت سے ہاتھ نہ کھینچے۔“