المعجم الكبير للطبراني

سیدنا عقبہ بن عامر رضی اللہ عنہ کہتے ہیں کہ رسول اللہ ﷺ نے فرمایا: ”جو اللہ سے اس حال میں ملے کہ اس نے اللہ کے ساتھ کسی کو شریک نہ ٹھہرایا ہو اور حرام خون میں آلودہ نہ ہوا ہو، وہ جنت میں داخل ہو گا۔“

سیدنا عقبہ بن عامر رضی اللہ عنہ کہتے ہیں کہ میں نے نبی کریم ﷺ کو فرماتے سنا: ”جس نے وضو کیا اور اچھی طرح وضو کیا، پھر ایسی نماز پڑھی جس میں وہ ہوش و حواس کے ساتھ رہا یہاں تک کہ اسے مکمل کر لیا، تو وہ اپنے گناہوں سے ایسا نکلتا ہے جیسے اس دن تھا جب اس کی ماں نے اسے جنا تھا۔“