المعجم الكبير للطبراني

حصین رحمہ اللہ بیان کرتے ہیں: ایک سائل نے سوال کیا جبکہ سیدنا ابن عباس رضی اللہ عنہما نماز میں تھے، تو سیدنا ابن عباس رضی اللہ عنہما نے اس سے کہا: اے سائل! اس نے کہا: لبیک۔ انہوں نے پوچھا: کیا تم گواہی دیتے ہو کہ اللہ کے سوا کوئی سچا معبود نہیں؟ اس نے کہا: جی ہاں۔ پوچھا: اور پانچوں نمازیں پڑھتے ہو؟ اس نے کہا: جی ہاں۔ پوچھا: اور رمضان کے روزے رکھتے ہو؟ اس نے کہا: جی ہاں۔ انہوں نے فرمایا: تو ہم پر حق ہے کہ ہم تمہارے ساتھ حسن سلوک کریں، چنانچہ انہوں نے اپنے اوپر کا ایک کپڑا اتار کر اسے پہنا دیا، پھر اس موقع پر فرمایا: میں نے رسول اللہ ﷺ کو یہ فرماتے سنا: ”جو مسلمان کسی مسلمان کو کپڑا پہنائے وہ اللہ کی حفاظت میں رہتا ہے جب تک اس کپڑے کا کوئی ٹکڑا بھی اس پر باقی رہے۔“

سیدنا ابن عباس رضی اللہ عنہما سے بھی نبی کریم ﷺ سے اسی جیسی حدیث مروی ہے۔