المعجم الكبير للطبراني

سیدنا طلق بن علی رضی اللہ عنہ کہتے ہیں: ہم رسول اللہ ﷺ کے پاس تھے کہ آپ ﷺ نے ہم سے فرمایا: ”عنقریب ایسے لوگ آئیں گے جو قرآن پڑھیں گے مگر وہ ان کے حلق سے نیچے نہیں اترے گا، وہ دین سے اس طرح نکل جائیں گے جیسے تیر شکار سے نکل جاتا ہے، خوشخبری ہے اس کے لیے جو انہیں قتل کرے، اور خوشخبری ہے اس کے لیے جسے وہ قتل کریں۔“ پھر آپ ﷺ نے میری طرف متوجہ ہو کر فرمایا: ”سن لو، وہ تمہاری سرزمین میں نکلیں گے، اے تہامی! وہ نہروں کے درمیان لڑیں گے۔“ میں نے عرض کیا: میرے ماں باپ آپ پر قربان ہوں، وہاں تو کوئی نہریں نہیں ہیں۔ آپ ﷺ نے فرمایا: ”عنقریب ہوں گی۔“

سیدنا طلق بن علی رضی اللہ عنہ کہتے ہیں: میں نے رسول اللہ ﷺ کو فرماتے سنا: ”اللہ تعالیٰ اس بندے کی نماز کی طرف نظر رحمت نہیں فرماتا جو اپنے رکوع اور سجدے میں اپنی پیٹھ سیدھی نہ رکھے۔“