المعجم الكبير للطبراني

…سیدنا ابوامامہ رضی اللہ عنہ سے روایت ہے کہ رسول اللہ ﷺ کے پاس ایک گھوڑا تھا، جو آپ ﷺ نے ایک انصاری آدمی کو ہبہ کر دیا، آپ ﷺ اس کی ہنہناہٹ سنتے تھے، پھر ایک دن آپ ﷺ نے اسے (اس کی آواز) نہ پایا تو رسول اللہ ﷺ نے اس سے فرمایا: ”تمہارے گھوڑے کا کیا ہوا؟“ اس نے عرض کیا: اے اللہ کے رسول، میں نے اسے خصی کر دیا ہے۔ آپ ﷺ نے فرمایا: ”گھوڑوں کی پیشانیوں میں خیر بندھی ہے، اور غنیمت قیامت تک کے لیے ان کی پیشانیوں سے وابستہ ہے، ان کی پیشانیاں ان کی گرمی (طاقت) ہیں اور ان کی دُمیں ان کے مکھیاں اڑانے کا ذریعہ ہیں۔“

سیدنا ابوامامہ رضی اللہ عنہ سے مرفوعاً روایت ہے کہ نبی کریم ﷺ نے فرمایا: ”جو مسلمان وضو کرے، اپنے ہاتھ دھوئے، کلی کرے، اور جیسے حکم دیا گیا ہے ویسے ہی وضو کرے تو اللہ اس دن اس کی وہ خطائیں معاف کر دیتا ہے جو اس کی زبان سے نکلیں، اس کے ہاتھ نے چھوئیں اور جہاں تک وہ چل کر گیا، یہاں تک کہ خطائیں اس کے اعضاء کے کناروں سے جھڑ جاتی ہیں، پھر جب وہ مسجد کی طرف چلتا ہے تو ایک قدم پر نیکی لکھی جاتی ہے اور دوسرے قدم پر برائی مٹا دی جاتی ہے۔“