المعجم الكبير للطبراني

سیدنا ابو امامہ رضی اللہ عنہ سے روایت ہے کہ رسول اللہ ﷺ نے فرمایا: ”میرے دوستوں میں سے سب سے زیادہ رشک کے قابل وہ مومن ہے جو ہلکے پھلکے حال والا ہو، نماز اور روزے میں اچھا حصہ رکھتا ہو، اپنے رب کی عبادت خوب کرتا ہو اور چھپ کر اس کی اطاعت کرتا ہو، لوگوں میں گمنام ہو، اس کی طرف انگلیاں نہ اٹھائی جاتی ہوں، اس کا گزارہ بس اتنا ہی ہو جتنی ضرورت ہو، اور وہ اس پر صبر کرے، تو اس کی موت جلد آتی ہے، اس پر رونے والے کم ہوتے ہیں، اور اس کی وراثت بھی کم ہوتی ہے۔“

سیدنا ابو امامہ رضی اللہ عنہ سے روایت ہے کہ نبی کریم ﷺ نے فرمایا: ”بیشک اللہ نے گانے والی باندیوں کو (گانا) سکھانا، انہیں خریدنا اور بیچنا، اور ان کی قیمتیں کھانا حرام قرار دیا ہے۔“