المعجم الكبير للطبراني

انس بن مالک رضی اللہ عنہ بیان کرتے ہیں: سیدنا سلمان رضی اللہ عنہ سیدنا عمر رضی اللہ عنہ کے پاس آئے، جبکہ وہ ایک تکیے پر ٹیک لگائے ہوئے تھے۔ عمر رضی اللہ عنہ نے وہ تکیہ ان کے لیے (بچھا) ڈال دیا۔ سلمان رضی اللہ عنہ نے کہا: اللہ اکبر، اللہ اور اس کے رسول نے سچ فرمایا۔ عمر رضی اللہ عنہ نے کہا: اے ابوعبداللہ! ہمیں بتائیے۔ سلمان رضی اللہ عنہ نے کہا: میں رسول اللہ صلی اللہ علیہ وسلم کے پاس گیا جبکہ آپ ایک تکیے پر ٹیک لگائے ہوئے تھے، آپ ﷺ نے وہ تکیہ میری طرف ڈال دیا، پھر فرمایا: ”اے سلمان! جو مسلمان بھی اپنے مسلمان بھائی کے پاس جائے اور اس کی عزت افزائی کے لیے اس کے لیے تکیہ ڈال دے، اللہ اسے بخش دیتا ہے۔“

انس رضی اللہ عنہ بیان کرتے ہیں کہ میں سلمان رضی اللہ عنہ کے پاس گیا تو ان کا گھر بوسیدہ پایا، تو ان سے اس بارے میں کہا گیا۔ انہوں نے فرمایا: ”رسول اللہ ﷺ نے مجھ سے عہد لیا تھا کہ دنیا میں تمہارا سامان مسافر کے سامان کی طرح ہونا چاہیے۔“