المعجم الكبير للطبراني

سیدنا سہل بن سعد رضی اللہ عنہ بیان کرتے ہیں کہ رسول اللہ ﷺ ہمارے پاس تشریف لائے جبکہ ہم قرآن پڑھ رہے تھے اور ایک دوسرے کو پڑھا رہے تھے، تو آپ ﷺ نے فرمایا: ”اللہ کا شکر ہے کہ اللہ کی کتاب ایک ہے، تم میں کالے اور گورے سب شامل ہیں۔ قرآن پڑھو، قرآن پڑھو، قرآن پڑھو، اس سے پہلے کہ ایسے لوگ آئیں جو قرآن پڑھیں گے اور اس کے حروف کو اس طرح سیدھا کریں گے جیسے تیر سیدھا کیا جاتا ہے، لیکن وہ ان کے حلق سے نیچے نہیں اترے گا، وہ اس کا اجر جلدی چاہیں گے، دیر سے نہیں۔“

سیدنا سہل بن سعد رضی اللہ عنہ بیان کرتے ہیں کہ رسول اللہ ﷺ ہمارے پاس تشریف لائے جبکہ ہم ایک دوسرے کو قرآن پڑھا رہے تھے، تو آپ ﷺ نے فرمایا: ”اللہ کا شکر ہے کہ اللہ کی کتاب ایک ہے، تم میں گورے اور کالے سب شامل ہیں۔ قرآن پڑھو، قرآن پڑھو، اس سے پہلے کہ ایسے لوگ آئیں جو اسے اس طرح سیدھا پڑھیں گے جیسے تیر سیدھا کیا جاتا ہے، لیکن وہ ان کے حلق سے نیچے نہیں اترے گا، وہ اس کا اجر جلدی چاہیں گے، دیر سے نہیں۔“