المعجم الكبير للطبراني

سیدنا زید بن ارقم رضی اللہ عنہ سے روایت ہے، وہ کہتے ہیں: میں تمہیں وہی بتاتا ہوں جو رسول اللہ ﷺ ہمیں فرمایا کرتے تھے: ”اے اللہ! میں عاجزی، سستی، بخل، بزدلی، بڑھاپے اور قبر کے عذاب سے تیری پناہ چاہتا ہوں۔ اے اللہ! میرے نفس کو اس کا تقویٰ عطا فرما، اور اسے پاک کرنے والا تو ہی بہترین ہے، تو ہی اس کا ولی اور مولیٰ ہے۔ اے اللہ! میں اس علم سے تیری پناہ چاہتا ہوں جو نفع نہ دے، اس نفس سے جو سیر نہ ہو، اس دل سے جو خشوع اختیار نہ کرے، اور اس دعا سے جو قبول نہ ہو۔“

سیدنا زید بن ارقم رضی اللہ عنہ سے روایت ہے کہ نبی کریم ﷺ یہ دعا کیا کرتے تھے: ”اے اللہ! میں عاجزی، سستی، بزدلی، بخل، بڑھاپے اور قبر کے عذاب سے تیری پناہ چاہتا ہوں۔ اے اللہ! میرے نفس کو اس کا تقویٰ عطا فرما، اور اسے پاک کرنے والا تو ہی بہترین ہے، تو ہی اس کا ولی اور مولیٰ ہے۔ اے اللہ! میں اس دل سے تیری پناہ چاہتا ہوں جو خشوع اختیار نہ کرے، اس نفس سے جو سیر نہ ہو، اس نماز سے جو نفع نہ دے، اور اس دعا سے جو قبول نہ ہو۔“

سیدنا زید بن ارقم رضی اللہ عنہ سے بھی اسی طرح کی حدیث مروی ہے۔

عبداللہ بن حارث بیان کرتے ہیں: ہم نے سیدنا زید بن ارقم رضی اللہ عنہ سے کہا کہ ہمیں کوئی ایسی بات بتائیں جو آپ نے رسول اللہ ﷺ سے سنی ہو، تو انہوں نے فرمایا: رسول اللہ ﷺ یہ دعا کیا کرتے تھے: ”اے اللہ! میں عاجزی، سستی، بزدلی، بخل، بڑھاپے، قبر کے عذاب اور دجال کے فتنے سے تیری پناہ چاہتا ہوں۔ اے اللہ! میرے نفس کو اس کا تقویٰ عطا فرما، اور اسے پاک کرنے والا تو ہی بہترین ہے، تو ہی اس کا ولی اور مولیٰ ہے۔ اے میرے رب! میں اس دل سے تیری پناہ چاہتا ہوں جو خشوع اختیار نہ کرے، اس علم سے جو نفع نہ دے، اور اس دعا سے جو سنی نہ جائے“ - یا فرمایا: ”جو قبول نہ ہو۔“