المعجم الكبير للطبراني

حَدَّثَنَا عَلِيُّ بْنُ عَبْدِ الْعَزِيزِ، ثنا أَبُو غَسَّانَ، ثنا عَبْدُ السَّلَامِ بْنُ حَرْبٍ، عَنْ أَبِي خَالِدٍ الدَّالَانِيِّ، عَنِ الْمِنْهَالِ بْنِ عَمْرٍو، عَنْ أَبِي عُبَيْدَةَ، عَنْ مَسْرُوقٍ، عَنْ عَبْدِ اللهِ بْنِ مَسْعُودٍ، ح وَحَدَّثَنَا مُحَمَّدُ بْنُ النَّضْرِ الْأَزْدِيُّ، وَعَبْدُ اللهِ بْنُ أَحْمَدَ بْنِ حَنْبَلٍ، وَالْحَضْرَمِيُّ، قَالُوا: ثنا إِسْمَاعِيلُ بْنُ عُبَيْدِ بْنِ أَبِي كَرِيمَةَ الْحَرَّانِيُّ، ثنا مُحَمَّدُ بْنُ سَلَمَةَ الْحَرَّانِيُّ، عَنْ أَبِي عَبْدِ الرَّحِيمِ، عَنْ زَيْدِ بْنِ أَبِي أُنَيْسَةَ، عَنِ الْمِنْهَالِ بْنِ عَمْرٍو، عَنْ أَبِي عُبَيْدَةَ بْنِ عَبْدِ اللهِ، عَنْ مَسْرُوقِ بْنِ الْأَجْدَعِ، ثنا عَبْدُ اللهِ بْنُ مَسْعُودٍ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «يَجْمَعُ اللهُ الْأَوَّلِينَ وَالْآخِرِينَ لِمِيقَاتِ يَوْمٍ مَعْلُومٍ قِيَامًا أَرْبَعِينَ سَنَةً شَاخِصَةً أَبْصَارُهُمْ إِلَى السَّمَاءِ يَنْتَظِرُونَ فَصْلَ الْقَضَاءِ» ، قَالَ: " وَيَنْزِلُ اللهُ عَزَّ وَجَلَّ فِي ظُلَلٍ مِنَ الْغَمَامِ مِنَ الْعَرْشِ إِلَى الْكُرْسِيِّ، ثُمَّ يُنَادِي مُنَادٍ أَيُّهَا النَّاسُ: أَلَمْ تَرْضَوْا مِنْ رَبِّكُمُ الَّذِي خَلَقَكُمْ وَرَزَقَكُمْ وَأَمَرَكُمْ أَنْ تَعْبُدُوهُ وَلَا تُشْرِكُوا بِهِ شَيْئًا أَنْ يُوَلِّيَ كُلَّ نَاسٍ مِنْكُمْ مَا كَانُوا يَتَوَلَّوْنَ وَيَعْبُدُونَ فِي الدِّينِ، أَلَيْسَ ذَلِكَ عَدْلًا مِنْ رَبِّكُمْ؟ قَالُوا: بَلَى "، قَالَ: «فَلْيَنْطَلِقْ كُلُّ قَوْمٍ إِلَى مَا كَانُوا يَعْبُدُونَ فِي الدُّنْيَا» ، قَالَ: «فَيَنْطَلِقُونَ وَيُمَثَّلُ لَهُمْ أَشْيَاءُ مَا كَانُوا يَعْبُدُونَ، فَمِنْهُمْ مَنْ يَنْطَلِقُ إِلَى الشَّمْسِ، وَمِنْهُمْ مَنْ يَنْطَلِقُ إِلَى الْقَمَرِ، وَإِلَى الْأَوْثَانِ مِنَ الْحِجَارَةِ وَأَشْبَاهِ مَا كَانُوا يَعْبُدُونَ» ، قَالَ: «وَيُمَثَّلُ لِمَنْ كَانَ يَعْبُدُ عِيسَى شَيْطَانُ عِيسَى، وَيُمَثَّلُ لِمَنْ كَانَ يَعْبُدُ عُزَيْرًا شَيْطَانُ عُزَيْرٍ، وَيَبْقَى مُحَمَّدٌ صَلَّى اللهُ عَلَيْهِ وَسَلَّمَ وَأُمَّتُهُ» ، قَالَ: " فَيَتَمَثَّلُ الرَّبُّ عَزَّ وَجَلَّ فَيَأَتِيهِمْ فَيَقُولُ: مَا لَكُمْ لَا تَنْطَلِقُونَ كَمَا انْطَلَقَ النَّاسُ؟ " قَالَ: " فَيَقُولُونَ إِنَّ لَنَا لَإِلَهًا مَا رَأَيْنَاهُ بَعْدُ، فَيَقُولُ: هَلْ تَعْرِفُونَهُ إِنْ رَأَيْتُمُوهُ؟ فَيَقُولُونَ: إِنَّ بَيْنَنَا وَبَيْنَهُ عَلَامَةً إِذَا رَأَيْنَاهَا عَرَفْنَاهَا، قَالَ: فَيَقُولُ: مَا هِي؟، فَيَقُولُونَ: يَكْشِفُ عَنْ سَاقِهِ "، قَالَ: " فَعِنْدَ ذَلِكَ يُكْشَفُ عَنْ سَاقٍ فَيَخِرُّ كُلُّ مَنْ كَانَ بِظَهْرِهِ طَبَقٌ، وَيَبْقَى قَوْمٌ ظُهُورُهُمْ كَصَياصِيِّ الْبَقَرِ يُرِيدُونَ السُّجُودَ فَلَا يَسْتَطِيعُونَ، وَقَدْ كَانَ يُدْعَوْنَ إِلَى السُّجُودِ وَهُمْ سَالِمُونَ، ثُمَّ يَقُولُ: ارْفَعُوا رُءُوسَكُمْ، فَيَرْفَعُونَ رُءُوسَهُمْ فَيُعْطِيهِمْ نُورَهُمْ عَلَى قَدْرِ أَعْمَالِهِمْ، فَمِنْهُمْ مَنْ يُعْطَى نُورَهُ مِثْلَ الْجَبَلِ الْعَظِيمِ يَسْعَى بَيْنَ يَدَيْهِ، وَمِنْهُمْ مَنْ يُعْطَى نُورَهُ أَصْغَرَ مِنْ ذَلِكَ، وَمِنْهُمْ مَنْ يُعْطَى نُورًا مِثْلَ النَّخْلَةِ بِيَمِينِهِ، وَمِنْهُمْ مَنْ يُعْطَى نُورًا أَصْغَرَ مِنْ ذَلِكَ، حَتَّى يَكُونَ رَجُلًا يُعْطَى نُورَهُ عَلَى إِبْهَامِ قَدَمِهِ يُضِيءُ مَرَّةً وَيَفِيءُ مَرَّةً، فَإِذَا أَضَاءَ قَدَّمَ قَدَمَهُ فَمَشَى، وَإِذَا طُفِئَ قَامَ "، قَالَ: «وَالرَّبُّ عَزَّ وَجَلَّ أَمَامَهُمْ حَتَّى يَمُرَّ فِي النَّارِ فَيَبْقَى أَثَرُهُ كَحَدِّ السَّيْفِ دَحْضُ مَزِلَّةٍ» ، قَالَ: " وَيَقُولُ: مُرُّوا، فَيَمُرُّونَ عَلَى قَدْرِ نُورِهِمْ، مِنْهُمْ مَنْ يَمُرُّ كَطَرْفِ الْعَيْنِ، وَمِنْهُمْ مَنْ يَمُرُّ كَالْبَرْقِ، وَمِنْهُمْ مَنْ يَمُرُّ كَالسَّحَابِ، وَمِنْهُمْ مَنْ يَمُرُّ كَانْقِضَاضِ الْكَوْكَبِ، وَمِنْهُمْ مَنْ يَمُرُّ كَالرِّيحِ، وَمِنْهُمْ مَنْ يَمُرُّ كَشَدِّ الْفَرَسِ، وَمِنْهُمْ مَنْ يَمُرُّ كَشَدِّ الرَّجُلِ، حَتَّى يَمُرَّ الَّذِي أُعْطِيَ نُورَهُ عَلَى إِبْهَامِ قَدَمَيْهِ يَحْبُو عَلَى وَجْهِهِ وَيَدَيْهِ وَرِجْلَيْهِ تَخِرُّ رِجْلُ، وَتَعْلَقُ رِجْلٌ، وَيُصِيبُ جَوَانِبَهُ النَّارُ، فَلَا يَزَالُ كَذَلِكَ حَتَّى يَخْلُصَ، فَإِذَا خَلَصَ وَقَفَ عَلَيْهَا، ثُمَّ قَالَ: الْحَمْدُ لِلَّهِ لَقَدْ أَعْطَانِي اللهُ مَا لَمْ يُعْطِ أَحَدًا أَنْ نَجَّانِي مِنْهَا بَعْدَ إِذْ رَأَيْتُهَا "، قَالَ: " فَيُنْطَلَقُ بِهِ إِلَى غَدِيرٍ عِنْدَ بَابِ الْجَنَّةِ، فَيَغْتَسِلُ فَيَعُودُ إِلَيْهِ رِيحُ أَهْلِ الْجَنَّةِ وَأَلْوَانُهُمْ، فَيَرَى مَا فِي الْجَنَّةِ مِنْ خِلَالِ الْبَابِ فَيَقُولُ: رَبِّ أَدْخِلْنِي الْجَنَّةَ، فَيَقُولُ اللهُ لَهُ: أَتَسْأَلُ الْجَنَّةَ، وَقَدْ نَجِّيتُكَ مِنَ النَّارِ؟ فَيَقُولُ: رَبِّ اجْعَلْ بَيْنِي وَبَيْنَهَا حِجَابًا لَا أَسْمَعُ حَسِيسَهَا "، قَالَ: «فَيَدْخُلُ الْجَنَّةَ» ، قَالَ: " فَيَرَى - أَوْ يُرْفَعُ لَهُ - مَنْزِلٌ أَمَامَ ذَلِكَ كَأَنَّمَا هُوَ فِيهِ إِلَيْهِ حُلْمٌ، فَيَقُولُ: رَبِّ أَعْطِنِي ذَلِكَ الْمَنْزِلَ، فَيَقُولُ لَهُ: فَلَعَلَّكَ إِنْ أَعْطَيْتُكَهُ تَسْأَلُ غَيْرَهُ، فَيَقُولُ: فَلَعَلَّكَ إِنْ أَعْطَيْتُكَهُ تَسْأَلُ غَيْرَهُ، فَيَقُولُ: لَا وَعِزَّتِكَ لَا أَسْأَلُكَ غَيْرَهُ، وَأَيُّ مَنْزِلٍ يَكُونُ أَحْسَنَ مِنْهُ، قَالَ: وَيَرَى أَوْ يُرْفَعُ لَهُ أَمَامَ ذَلِكَ مَنْزِلٌ آخَرُ كَأَنَّمَا هُوَ إِلَيْهِ حُلْمٌ، فَيَقُولُ: أَعْطِنِي ذَلِكَ الْمَنْزِلَ، فَيَقُولُ اللهُ جَلَّ جَلَالُهُ: فَلَعَلَّكَ إِنْ أَعْطَيْتُكَهُ تَسْأَلُ غَيْرَهُ، قَالَ: لَا وَعِزَّتِكَ لَا أَسْأَلُ غَيْرَهُ وَأَيُّ مَنْزِلٍ يَكُونُ أَحْسَنَ مِنْهُ، قَالَ: فَيُعْطَاهُ فَيَنْزِلَهُ ثُمَّ يَسْكُتُ فَيَقُولُ اللهُ عَزَّ وَجَلَّ: مَا لَكَ لَا تَسْأَلُ؟ فَيَقُولُ: رَبِّ لَقَدْ سَأَلْتُكَ حَتَّى اسْتَحْيَيْتُكَ، وَأَقْسَمْتُ لَكَ حَتَّى اسْتَحْيَيْتُكَ، فَيَقُولُ اللهُ تَعَالَى: أَلَمْ تَرْضَ أَنْ أُعْطِيَكَ مِثْلَ الدُّنْيَا مُنْذُ خَلَقْتُهَا إِلَى يَوْمِ أَفْنَيْتُهَا وَعَشَرَةَ أَضْعَافِهِ؟ فَيَقُولُ: أَتَسْتَهْزِئُ بِي، وَأَنْتَ رَبُّ الْعِزَّةِ، فَيَضْحَكُ الرَّبُّ عَزَّ وَجَلَّ مِنْ قَوْلِهِ " - قَالَ: فَرَأَيْتُ عَبْدَ اللهِ بْنَ مَسْعُودٍ إِذَا بَلَغَ هَذَا الْمَكَانَ مِنْ هَذَا الْحَدِيثِ ضَحِكَ، فَقَالَ لَهُ رَجُلٌ: يَا أَبَا عَبْدِ الرَّحْمَنِ، قَدْ سَمِعْتُكَ تُحَدِّثُ هَذَا الْحَدِيثَ مِرَارًا كُلَّمَا بَلَغْتَ هَذَا الْمَكَانَ ضَحِكْتَ، فَقَالَ: إِنِّي سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يُحَدِّثُ هَذَا الْحَدِيثَ مِرَارًا كُلَّمَا بَلَغَ هَذَا الْمَكَانَ مِنْ هَذَا الْحَدِيثِ ضَحِكَ حَتَّى تَبْدُوَ أَضْرَاسُهُ - قَالَ: " فَيَقُولُ الرَّبُّ عَزَّ وَجَلَّ: وَلَكِنِّي عَلَى ذَلِكَ قَادِرٌ، سَلْ، فَيَقُولُ: أَلْحِقْنِي بِالنَّاسِ ، فَيَقُولُ: الْحَقِ النَّاسَ، قَالَ: فَيَنْطَلِقُ يَرْمُلُ فِي الْجَنَّةِ حَتَّى إِذَا دَنَا مِنَ النَّاسِ رُفِعَ لَهُ قَصْرٌ مِنْ دُرَّةٍ فَيَخِرُّ سَاجِدًا، فَيُقَالُ لَهُ: ارْفَعْ رَأْسَكَ مَا لَكَ؟ فَيَقُولُ: رَأَيْتُ رَبِّي - أَوْ تَرَاءَى لِي رَبِّي - فَيُقَالُ لَهُ: إِنَّمَا هُوَ مَنْزِلٌ مِنْ مَنَازِلِكَ، قَالَ: ثُمَّ يَلْقَى رَجُلًا فَيَتَهَيَّأُ لِلسُّجُودِ لَهُ فَيُقَالُ لَهُ: مَهْ، مَا لَكَ؟ فَيَقُولُ: رَأَيْتُ أَنَّكَ مَلَكٌ مِنَ الْمَلَائِكَةِ، فَيَقُولُ: إِنَّمَا أَنَا خَازِنٌ مِنْ خُزَّانِكَ، عَبْدٌ مِنْ عَبِيدِكَ تَحْتَ يَدِي أَلْفُ قَهْرَمَانٍ عَلَى مِثْلِ مَا أَنَا عَلَيْهِ، قَالَ: فَيَنْطَلِقُ أَمَامَهُ حَتَّى يَفْتَحَ لَهُ الْقَصْرَ "، قَالَ: " وَهُوَ فِي دُرَّةٍ، مُجَوَّفَةٍ سَقَائِفُهَا، وَأَبْوَابُهَا، وَأَغْلَاقُهَا، وَمَفَاتِيحُهَا مِنْهَا تَسْتَقْبِلُهُ جَوْهَرَةٌ خَضْرَاءُ مُبَطَّنَةٌ بِحَمْرَاءَ كُلُّ جَوْهَرَةٍ تُفْضِي إِلَى جَوْهَرَةٍ عَلَى غَيْرِ لَوْنِ الْأُخْرَى فِي كُلِّ جَوْهَرَةٍ سُرَرٌ وَأَزْوَاجٌ، وَوَصَائِفُ أَدْنَاهُنَّ حَوْرَاءُ عَيْنَاءُ عَلَيْهَا سَبْعُونَ حُلَّةً يُرَى مُخُّ سَاقِهَا مِنْ وَرَاءِ حُلَلِهَا، كَبِدُهَا مِرْآتُهُ وَكَبِدُهُ مِرْآتُهَا، إِذَا أَعْرَضَ عَنْهَا إِعْرَاضَةً ازْدَادَتْ فِي عَيْنِهِ سَبْعِينَ ضِعْفًا عَمَّا كَانَتْ قَبْلَ ذَلِكَ، وَإِذَا أَعْرَضَتْ عَنْهُ إِعْرَاضَةً ازْدَادَ فِي عَيْنِهَا سَبْعِينَ ضِعْفًا عَمَّا كَانَ قَبْلَ ذَلِكَ، فَيَقُولُ لَهَا: وَاللهِ لَقَدِ ازْدَدْتِ فِي عَيْنِي سَبْعِينَ ضِعْفًا، وَتَقُولُ لَهُ: وَأَنْتَ وَاللهِ لَقَدِ ازْدَدْتَ فِي عَيْنِي سَبْعِينَ ضِعْفًا، فَيُقَالُ لَهُ: أَشْرِفْ، قَالَ: فَيُشْرِفُ، فَيُقَالُ لَهُ: مُلْكُكَ مَسِيرَةُ مِائَةِ عَامٍ يَنْفُذُهُ بَصَرُهُ "
قَالَ: فَقَالَ عُمَرُ: أَلَا تَسْمَعُ مَا يُحَدِّثُنَا ابْنُ أُمِّ عَبْدٍ يَا كَعْبُ عَنْ أَدْنَى أَهْلِ الْجَنَّةِ مَنْزِلًا، فَكَيْفَ أَعْلَاهُمْ، فَقَالَ كَعْبٌ: " يَا أَمِيرَ الْمُؤْمِنِينَ: مَا لَا عَيْنٌ رَأَتْ، وَلَا أُذُنٌ سَمِعَتْ، إِنَّ اللهَ عَزَّ وَجَلَّ جَعَلَ دَارًا فَجَعَلَ فِيهَا مَا شَاءَ مِنَ الْأَزْوَاجِ، وَالثَّمَرَاتِ، وَالْأَشْرِبَةِ، ثُمَّ أَطْبَقَهَا، ثُمَّ لَمْ يَرَهَا أَحَدٌ مِنَ خَلْقِهِ، لَا جِبْرِيلُ وَلَا غَيْرُهُ مِنَ الْمَلَائِكَةِ "، ثُمَّ قَرَأَ كَعْبٌ: {فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيَنٍ جَزَاءً بِمَا كَانُوا يَعْمَلُونَ} [السجدة: ١٧] ، قَالَ: " وَخَلَقَ دُونَ ذَلِكَ جَنَّتَيْنِ وَزَيَّنَهُمَا بِمَا شَاءَ وَأَرَاهُمَا مَنْ شَاءَ مِنْ خَلْقِهِ، ثُمَّ قَالَ: مَنْ كَانَ كِتَابُهُ فِي عِلِّيِّينَ نَزَلَ تِلْكَ الدَّارَ الَّتِي لَمْ يَرَهَا أَحَدٌ حَتَّى إِنَّ الرَّجُلَ مِنْ أَهْلِ عِلِّيِّينَ لَيَخْرُجُ فَيَسِيرُ فِي مُلْكِهِ فَمَا تَبْقَى خَيْمَةٌ مِنْ خِيَمِ الْجَنَّةِ إِلَّا دَخَلَهَا مِنْ ضَوْءِ وَجْهِهِ فَيَسْتَبْشِرُونَ بِرِيحِهِ، فَيَقُولُونَ: وَاهًا لِهَذَا الرِّيحِ، هَذَا رَجُلٌ مِنْ أَهْلِ عِلِّيِّينَ، قَدْ خَرَجَ يَسِيرُ فِي مُلْكِهِ "، فَقَالَ: وَيْحَكَ يَا كَعْبُ، إِنَّ هَذِهِ الْقُلُوبَ قَدِ اسْتَرْسَلَتْ وَاقْبِضْهَا، فَقَالَ كَعْبٌ: " وَالَّذِي نَفْسِي بِيَدِهِ إِنَّ لِجَهَنَّمَ يَوْمَ الْقِيَامَةِ لَزَفْرَةً مَا مِنْ مَلَكٍ مُقَرَّبِ، وَلَا نَبِيٍّ مُرْسَلٍ إِلَّا يَخِرُّ لِرُكْبَتَيْهِ، حَتَّى إِنَّ إِبْرَاهِيمَ خَلِيلَ اللهِ لَيَقُولُ: رَبِّ نَفْسِي نَفْسِي، حَتَّى لَوْ كَانَ لَكَ عَمَلُ سَبْعِينَ نَبِيًّا إِلَى عَمَلِكَ لَظَنَنْتَ أَنَّكَ لَا تَنْجُو " وَاللَّفْظُ لِحَدِيثِ زَيْدِ بْنِ أَبِي أُنَيْسَةَ

سیدنا عبداللہ بن مسعود رضی اللہ عنہ سے روایت ہے کہ نبی کریم ﷺ نے فرمایا: ”اللہ تعالیٰ اگلوں اور پچھلوں سب کو ایک معلوم دن کے وقتِ مقرر پر جمع کرے گا، وہ چالیس سال تک کھڑے رہیں گے، ان کی نگاہیں آسمان کی طرف اٹھی ہوں گی، فیصلے کے انتظار میں۔“ آپ ﷺ نے فرمایا: ”اللہ تعالیٰ بادلوں کے سائبانوں میں عرش سے کرسی کی طرف اترے گا، پھر ایک منادی پکارے گا: اے لوگو! کیا تم اپنے اس رب سے راضی نہیں کہ اس نے تمہیں پیدا کیا، تمہیں رزق دیا، اور تمہیں حکم دیا کہ اس کی عبادت کرو اور اس کے ساتھ کسی کو شریک نہ ٹھہراؤ، کہ وہ ہر گروہ کو اس (معبود) کے سپرد کر دے جسے وہ دین میں مانتا اور پوجتا رہا؟ کیا یہ تمہارے رب کی طرف سے انصاف نہیں؟ وہ کہیں گے: کیوں نہیں۔ فرمایا: تو ہر گروہ اس کی طرف چل پڑے جس کی وہ دنیا میں عبادت کرتا تھا۔ فرمایا: چنانچہ وہ چل پڑیں گے اور ان کے سامنے وہی چیزیں مجسم کر دی جائیں گی جن کی وہ عبادت کرتے تھے۔ ان میں سے بعض سورج کی طرف چلے جائیں گے، بعض چاند کی طرف، اور بعض پتھر کے بتوں اور ان جیسی چیزوں کی طرف جن کی وہ عبادت کرتے تھے۔ جو عیسیٰ (علیہ السلام) کی عبادت کرتا تھا اس کے سامنے عیسیٰ کا شیطان مجسم کر دیا جائے گا، اور جو عزیر کی عبادت کرتا تھا اس کے سامنے عزیر کا شیطان مجسم کر دیا جائے گا، اور محمد ﷺ اور آپ کی امت باقی رہ جائیں گے۔ پھر رب عزوجل (اپنی شان کے مطابق) ظاہر ہو کر ان کے پاس آئے گا اور فرمائے گا: تمہیں کیا ہوا کہ تم اس طرح نہیں چلے جیسے (دوسرے) لوگ چلے گئے؟ وہ کہیں گے: ہمارا ایک معبود ہے جسے ہم نے ابھی تک نہیں دیکھا۔ فرمائے گا: اگر تم اسے دیکھو تو کیا پہچان لو گے؟ وہ کہیں گے: ہمارے اور اس کے درمیان ایک علامت ہے، جب ہم اسے دیکھیں گے تو پہچان لیں گے۔ فرمائے گا: وہ کیا ہے؟ وہ کہیں گے: وہ اپنی پنڈلی سے پردہ اٹھائے گا۔ اس وقت پنڈلی سے پردہ اٹھایا جائے گا، تو جس کی پیٹھ میں (سجدے کی) لچک ہوگی وہ سجدے میں گر جائے گا، اور ایک قوم باقی رہ جائے گی جن کی پیٹھیں گائے کے سینگ کی طرح (اکڑی ہوئی) ہوں گی، وہ سجدہ کرنا چاہیں گے مگر نہیں کر سکیں گے، حالانکہ انہیں سجدے کی دعوت اس وقت دی جاتی تھی جب وہ صحیح سالم تھے۔ پھر فرمائے گا: اپنے سر اٹھاؤ۔ وہ اپنے سر اٹھائیں گے تو انہیں ان کے اعمال کے مطابق نور دیا جائے گا۔ ان میں سے کسی کو بڑے پہاڑ جیسا نور دیا جائے گا جو اس کے آگے آگے چلے گا، کسی کو اس سے کم دیا جائے گا، کسی کو کھجور کے درخت جیسا نور اس کے دائیں ہاتھ میں دیا جائے گا، کسی کو اس سے بھی کم دیا جائے گا، یہاں تک کہ ایک آدمی ایسا ہوگا جسے اس کا نور صرف اس کے پاؤں کے انگوٹھے پر دیا جائے گا، جو کبھی روشن ہوگا اور کبھی بجھ جائے گا؛ جب روشن ہوگا تو وہ قدم بڑھا کر چلے گا، اور جب بجھ جائے گا تو رک جائے گا۔ اور رب عزوجل ان کے آگے آگے ہوگا، یہاں تک کہ وہ جہنم میں سے گزرے گا، اس کا نشان تلوار کی دھار جیسا (باریک) اور پھسلنے والا ہوگا۔ اور فرمائے گا: گزرو۔ تو وہ اپنے نور کے مطابق گزریں گے: کوئی پلک جھپکنے جیسی تیزی سے گزرے گا، کوئی بجلی کی طرح، کوئی بادل کی طرح، کوئی ٹوٹتے ستارے کی طرح، کوئی ہوا کی طرح، کوئی تیز دوڑتے گھوڑے کی طرح، کوئی تیز دوڑتے آدمی کی طرح، یہاں تک کہ جسے اس کا نور صرف پاؤں کے انگوٹھے پر دیا گیا تھا وہ اپنے منہ، ہاتھوں اور پاؤں کے بل رینگتا ہوا گزرے گا، ایک پاؤں گرتا اور دوسرا اٹک جاتا، اور آگ اس کے پہلوؤں کو چھوتی رہے گی، وہ اسی طرح رہے گا یہاں تک کہ نکل جائے گا۔ جب وہ نکل جائے گا تو اس کے پاس کھڑا ہو کر کہے گا: تمام تعریفیں اللہ کے لیے ہیں، اللہ نے مجھے وہ کچھ عطا کیا جو کسی کو نہیں دیا کہ اسے دیکھ لینے کے بعد مجھے اس سے نجات دی۔ پھر اسے جنت کے دروازے کے پاس ایک تالاب کی طرف لے جایا جائے گا، وہ غسل کرے گا تو اسے جنتیوں کی خوشبو اور رنگت واپس مل جائے گی، وہ دروازے کی درمیانی جگہ سے جنت کو دیکھے گا اور کہے گا: اے میرے رب! مجھے جنت میں داخل کر دے۔ اللہ تعالیٰ اس سے فرمائے گا: کیا تو جنت مانگتا ہے جبکہ میں نے تجھے جہنم سے نجات دے دی ہے؟ وہ کہے گا: اے میرے رب! میرے اور اس (جہنم) کے درمیان کوئی پردہ کر دے تاکہ میں اس کی آواز بھی نہ سنوں۔ تو وہ جنت میں داخل ہو جائے گا۔ وہ دیکھے گا - یا اس کے لیے اٹھایا جائے گا - آگے ایک گھر، گویا وہ اس کے لیے ایک خواب جیسا ہوگا، تو وہ کہے گا: اے رب! مجھے وہ گھر عطا فرما۔ اللہ تعالیٰ فرمائے گا: شاید اگر میں تجھے یہ دے دوں تو تو کوئی اور مانگے گا۔ وہ کہے گا: نہیں، تیری عزت کی قسم! میں اس کے سوا کچھ اور نہیں مانگوں گا، اور اس سے بہتر گھر اور کون سا ہو سکتا ہے؟ پھر وہ دیکھے گا - یا اس کے لیے اٹھایا جائے گا - آگے ایک اور گھر، گویا وہ ایک خواب جیسا ہوگا، تو وہ کہے گا: مجھے وہ گھر عطا فرما۔ اللہ جَلَّ جَلَالُہٗ فرمائے گا: شاید اگر میں تجھے یہ دے دوں تو تو کوئی اور مانگے گا۔ وہ کہے گا: نہیں، تیری عزت کی قسم! میں کچھ اور نہیں مانگوں گا، اور اس سے بہتر گھر اور کون سا ہو سکتا ہے؟ تو وہ گھر اسے دے دیا جائے گا، وہ اس میں رہائش اختیار کرے گا، پھر خاموش ہو جائے گا۔ اللہ عزوجل فرمائے گا: تجھے کیا ہوا، تو مانگتا کیوں نہیں؟ وہ کہے گا: اے رب! میں نے اتنا مانگا کہ تجھ سے شرما گیا، اور اتنی قسمیں کھائیں کہ تجھ سے شرما گیا۔ اللہ تعالیٰ فرمائے گا: کیا تو اس پر راضی نہیں کہ میں تجھے دنیا کے برابر، اس کی تخلیق سے لے کر اس کے ختم ہونے کے دن تک کا، اور اس سے دس گنا زیادہ عطا کروں؟ وہ کہے گا: کیا تو میرے ساتھ مذاق کرتا ہے، حالانکہ تو ہی رب العزت ہے؟ تو رب عزوجل اس کی بات پر ہنسے گا۔“ (راوی کہتے ہیں:) میں نے سیدنا عبداللہ بن مسعود رضی اللہ عنہ کو دیکھا کہ جب اس حدیث میں اس مقام پر پہنچتے تو ہنس دیتے۔ ایک آدمی نے ان سے کہا: اے ابو عبدالرحمٰن! میں نے آپ کو کئی بار یہ حدیث بیان کرتے سنا ہے، جب بھی آپ اس مقام پر پہنچتے ہیں ہنس دیتے ہیں۔ انہوں نے فرمایا: میں نے رسول اللہ ﷺ کو کئی بار یہ حدیث بیان کرتے سنا، جب بھی آپ ﷺ اس مقام پر پہنچتے تو ہنستے یہاں تک کہ آپ ﷺ کی داڑھیں ظاہر ہو جاتیں۔ فرمایا: رب عزوجل فرمائے گا: لیکن میں اس پر قادر ہوں، مانگ۔ وہ کہے گا: مجھے (دوسرے) لوگوں کے ساتھ ملا دے۔ فرمائے گا: لوگوں کے ساتھ جا مل۔ فرمایا: وہ جنت میں تیز چلتا ہوا جائے گا، جب لوگوں کے قریب پہنچے گا تو اس کے لیے موتی کا ایک محل اٹھایا جائے گا، وہ سجدے میں گر جائے گا۔ اس سے کہا جائے گا: اپنا سر اٹھا، تجھے کیا ہوا؟ وہ کہے گا: میں نے اپنے رب کو دیکھا - یا میرا رب میرے سامنے ظاہر ہوا۔ تو اس سے کہا جائے گا: یہ تو تیری ہی منزلوں میں سے ایک منزل ہے۔ فرمایا: پھر وہ ایک شخص سے ملے گا اور اسے سجدہ کرنے کے لیے تیار ہوگا، تو اس سے کہا جائے گا: رک جا، تجھے کیا ہوا؟ وہ کہے گا: میں نے خیال کیا کہ تم فرشتوں میں سے کوئی فرشتہ ہو۔ وہ کہے گا: میں تو تیرے خزانچیوں میں سے ایک خزانچی ہوں، تیرا ہی ایک خادم ہوں، میرے ماتحت ایک ہزار کارندے ہیں، سب میری ہی طرح۔ فرمایا: وہ آگے آگے چل کر اس کے لیے محل کھولے گا۔ فرمایا: وہ محل ایک کھوکھلے موتی میں ہوگا، اس کی چھتیں، دروازے، تالے اور چابیاں سب اسی موتی سے بنے ہوں گے۔ اسے ایک سبز جوہر ملے گا جس کے اندر سرخی ہوگی، ہر جوہر دوسرے جوہر سے ملا ہوگا جو رنگ میں اس سے مختلف ہوگا، ہر جوہر میں تخت اور بیویاں اور خادمائیں ہوں گی، جن میں سب سے کم درجہ والی بھی بڑی آنکھوں والی حور ہوگی، اس پر ستر جوڑے ہوں گے، اور اس کی پنڈلی کا گودا اس کے کپڑوں کے پیچھے سے نظر آئے گا۔ اس کا دل اس کے لیے آئینہ ہوگا اور اس کا دل اس کے لیے آئینہ ہوگا، جب وہ ایک لمحے کے لیے اس سے نظر ہٹائے گا تو وہ اس کی نظر میں پہلے سے ستر گنا زیادہ (حسین) ہو جائے گی، اور جب وہ ایک لمحے کے لیے اس سے نظر ہٹائے گی تو وہ اس کی نظر میں پہلے سے ستر گنا زیادہ (حسین) ہو جائے گا۔ وہ اس سے کہے گا: اللہ کی قسم! تو میری نظر میں ستر گنا بڑھ گئی ہے۔ اور وہ اس سے کہے گی: اور تم، اللہ کی قسم! تم بھی میری نظر میں ستر گنا بڑھ گئے ہو۔ اس سے کہا جائے گا: جھانک کر دیکھ۔ فرمایا: وہ جھانکے گا، تو اس سے کہا جائے گا: تیری بادشاہت سو سال کی مسافت پر پھیلی ہے، تیری نظر اس کی انتہا تک پہنچے گی۔
راوی کہتے ہیں: سیدنا عمر رضی اللہ عنہ نے فرمایا: اے کعب! کیا تم سن رہے ہو ابن ام عبد (ابن مسعود) ہمیں جنت کے سب سے کم درجے والے کے بارے میں کیا بتا رہے ہیں؟ تو (سوچو) سب سے اعلیٰ درجے والے کا کیا حال ہوگا! کعب نے کہا: اے امیر المومنین! وہ ایسی چیز ہے جسے نہ کسی آنکھ نے دیکھا نہ کسی کان نے سنا۔ اللہ عزوجل نے ایک گھر بنایا اور اس میں جو چاہا بیویاں، پھل اور مشروبات رکھے، پھر اسے بند کر دیا، پھر اپنی مخلوق میں سے کسی نے اسے نہیں دیکھا، نہ جبریل نے اور نہ کسی اور فرشتے نے۔ پھر کعب نے یہ آیت تلاوت کی: ”کوئی جان نہیں جانتی کہ ان کے اعمال کے بدلے ان کے لیے آنکھوں کی کیسی ٹھنڈک چھپا کر رکھی گئی ہے“ [سورۃ السجدہ: 17]۔ کعب نے کہا: اور اللہ نے اس (اونچے مقام) کے علاوہ دو اور جنتیں بنائیں، انہیں جیسا چاہا سجایا، اور جسے چاہا اپنی مخلوق میں سے دکھایا۔ پھر فرمایا: جس کا نامہ اعمال علیین میں ہوگا وہ اس گھر میں اترے گا جسے کسی نے نہیں دیکھا، یہاں تک کہ علیین والوں میں سے کوئی شخص نکل کر اپنی بادشاہت میں چلے تو جنت کا کوئی خیمہ ایسا نہیں بچے گا جس میں اس کے چہرے کی روشنی داخل نہ ہو جائے، تو وہ اس کی خوشبو سے خوش ہو کر کہیں گے: کیا ہی اچھی خوشبو ہے! یہ علیین والوں میں سے کوئی شخص ہے جو اپنی بادشاہت میں سیر کے لیے نکلا ہے۔ سیدنا عمر رضی اللہ عنہ نے فرمایا: افسوس اے کعب! ان دلوں میں (تمہاری باتوں سے) بہت کشادگی پیدا ہو گئی ہے، اب انہیں کچھ سمیٹو۔ کعب نے کہا: قسم اس ذات کی جس کے ہاتھ میں میری جان ہے! قیامت کے دن جہنم کی ایک ایسی دھاڑ ہوگی کہ کوئی مقرب فرشتہ اور کوئی مرسل نبی ایسا نہیں ہوگا جو اپنے گھٹنوں کے بل نہ گر جائے، حتیٰ کہ ابراہیم خلیل اللہ (علیہ السلام) بھی کہیں گے: اے رب! میری جان، میری جان! اگر تیرے اپنے عمل کے ساتھ ستر انبیاء کا عمل بھی ہو تو تجھے یہی گمان ہوگا کہ تو نجات نہیں پائے گا۔“