المعجم الأوسط
باب الميم— حرفِ میم سے شروع ہونے والے ناموں کا بیان۔
مَنِ اسْمُهُ مُطَّلِبٌ باب: ان راویوں کا بیان جن کا نام مطلب ہے۔
حَدَّثَنَا مُطَّلِبُ بْنُ شُعَيْبٍ : ثَنَا عَبْدُ اللهِ بْنُ صَالِحٍ : حَدَّثَنِي اللَّيْثُ : حَدَّثَنِي إِسْحَاقُ بْنُ أَسِيدٍ ، عَنْ عَبْدِ الْكَرِيمِ ، عَنْ أَنَسِ بْنِ مَالِكٍ ، أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : السَّاعِي عَلَى وَالِدَيْهِ لِيَكُفَّهُمَا أَوْ يُغْنِيَهُمَا عَنِ النَّاسِ فِي سَبِيلِ اللهِ ، وَمَنْ سَعَى عَلَى زَوْجٍ أَوْ وَلَدٍ لِيَكُفَّهُمْ وَيُغْنِيَهُمْ عَنِ النَّاسِ فِي سَبِيلِ اللهِ ، وَالسَّاعِي عَلَى نَفْسِهِ لِيُغْنِيَهَا وَيَكُفَّهَا عَنِ النَّاسِ فِي سَبِيلِ اللهِ ، وَالسَّاعِي مُكَاثَرَةً فِي سَبِيلِ الشَّيْطَانِ .
لَمْ يَرْوِ هَذَا الْحَدِيثَ عَنْ عَبْدِ الْكَرِيمِ الْجَزَرِيِّ إِلَّا إِسْحَاقُ بْنُ أُسَيْدٍ ، تَفَرَّدَ بِهِ : اللَّيْثُ ، وَلَا يُرْوَى عَنْ أَنَسٍ إِلَّا بِهَذَا الْإِسْنَادِ .
سیدنا انس بن مالک رضی اللہ عنہ سے روایت ہے کہ رسول اللہ ﷺ نے فرمایا: ”جو شخص اپنے والدین کے لیے اس غرض سے کوشش اور محنت کرے کہ انہیں (سوال سے) بے نیاز کر دے اور لوگوں سے مستغنی رکھے، تو وہ اللہ کی راہ میں ہے۔ اور جو اپنی بیوی یا اولاد کے لیے اس غرض سے دوڑ دھوپ کرے کہ انہیں کفایت کرے اور لوگوں سے بے نیاز رکھے، وہ بھی اللہ کی راہ میں ہے۔ اور جو اپنی ذات کے لیے اس نیت سے محنت کرے کہ خود کو بے نیاز اور لوگوں سے بچائے رکھے، وہ بھی اللہ کی راہ میں ہے۔ اور جو مال کی کثرت اور زیادتی کی خاطر دوڑ دھوپ کرے، وہ شیطان کی راہ میں ہے۔“
امام طبرانی رحمہ اللہ فرماتے ہیں: ”اس حدیث کو عبدالکریم جزری رحمہ اللہ سے اسحاق بن اسید کے سوا کسی نے روایت نہیں کیا، اس میں لیث منفرد ہیں، اور سیدنا انس رضی اللہ عنہ سے یہ حدیث صرف اسی سند سے مروی ہے۔“