المعجم الأوسط
باب الميم— حرفِ میم سے شروع ہونے والے ناموں کا بیان۔
مِنْ بَقِيَّةِ مَنْ أَوَّلُ اسْمِهِ مِيمٌ مَنِ اسْمُهُ مُوسَى باب: میم سے شروع ہونے والے باقی ناموں میں سے ان راویوں کا بیان جن کا نام موسیٰ ہے۔
وَبِهِ حَدَّثَنَا عِيسَى ، عَنْ سَعِيدِ بْنِ عُثْمَانَ الْبَلَوِيِّ ، عَنْ عُرْوَةَ بْنِ سَعِيدٍ الْأَنْصَارِيِّ ، عَنْ أَبِيهِ ، عَنْ حُصَيْنِ بْنِ وَحْوَحٍ ، أَنَّ طَلْحَةَ بْنَ الْبَرَاءِ ، لَمَّا لَقِيَ النَّبِيَّ صَلَّى اللهُ عَلَيْهِ وَسَلَّمَ قَالَ : يَا رَسُولَ اللهِ ، مُرْنِي بِمَا أَحْبَبْتَ ، فَلَا أَعْصِي لَكَ أَمْرًا ، فَعَجِبَ لِذَلِكَ النَّبِيُّ صَلَّى اللهُ عَلَيْهِ وَسَلَّمَ وَهُوَ غُلَامٌ ، فَقَالَ لَهُ عِنْدَ ذَلِكَ : I " اذْهَبْ ، فَاقْتُلْ أَبَاكَ I " ، فَقَالَ : فَخَرَجَ مُوَلِّيًا لِيَفْعَلَ فَدَعَاهُ ، فَقَالَ لَهُ : I " أَقْبِلْ ، فَإِنِّي لَمْ أُبْعَثْ بِقَطِيعَةِ رَحِمٍ I " ، فَمَرِضَ طَلْحَةُ بَعْدَ ذَلِكَ ، فَأَتَاهُ النَّبِيُّ صَلَّى اللهُ عَلَيْهِ وَسَلَّمَ يَعُودُهُ فِي الشِّتَاءِ فِي بَرْدٍ وَغَيْمٍ ، فَلَمَّا انْصَرَفَ قَالَ لِأَهْلِهِ : I " إِنِّي لَا أَرَى طَلْحَةَ إِلَّا قَدْ حَدَثَ فِيهِ الْمَوْتُ ، فَآذِنُونِي حَتَّى أَشْهَدَهُ وَأُصَلِّيَ عَلَيْهِ ، وَعَجِّلُوهُ I " ، فَلَمْ يَبْلُغِ النَّبِيُّ صَلَّى اللهُ عَلَيْهِ وَسَلَّمَ بَنِي سَالِمِ بْنِ عَوْفٍ حَتَّى تُوُفِّيَ ، وَجَنَّ عَلَيْهِ اللَّيْلُ ، فَكَانَ فِيمَا قَالَ طَلْحَةُ : ادْفِنُونِي ، وَأَلْحِقُونِي بِرَبِّي تَبَارَكَ وَتَعَالَى ، وَلَا تَدْعُوا رَسُولَ اللهِ صَلَّى اللهُ عَلَيْهِ وَسَلَّمَ ، فَإِنِّي أَخَافُ عَلَيْهِ الْيَهُودَ ، وَأَنْ يُصَابَ فِي سَبَبِي ، فَأُخْبِرَ النَّبِيُّ صَلَّى اللهُ عَلَيْهِ وَسَلَّمَ حِينَ أَصْبَحَ ، فَجَاءَ حَتَّى وَقَفَ عَلَى قَبْرِهِ ، فَصَفَّ النَّاسُ مَعَهُ فَقَالَ : اللَّهُمَّ ، الْقَ طَلْحَةَ تَضْحَكُ إِلَيْهِ وَيَضْحَكُ إِلَيْكَ .
لَا يُرْوَى هَذَا الْحَدِيثُ عَنْ حُصَيْنِ بْنِ وَحْوَحٍ إِلَّا بِهَذَا الْإِسْنَادِ ، تَفَرَّدَ بِهِ : عِيسَى بْنُ يُونُسَ I " .
سیدنا حصین بن وحوح رضی اللہ عنہ سے روایت ہے کہ سیدنا طلحہ بن براء رضی اللہ عنہ جب نبی ﷺ سے ملے تو عرض کیا: ”اے اللہ کے رسول! آپ جو چاہیں مجھے حکم دیں، میں آپ کے کسی حکم کی نافرمانی نہیں کروں گا۔“ نبی ﷺ کو ان کی اس بات پر (جبکہ وہ ابھی نوجوان لڑکے تھے) تعجب ہوا، تو اسی موقع پر آپ ﷺ نے ان سے فرمایا: ”جاؤ اور اپنے باپ کو قتل کر دو۔“ وہ پیٹھ پھیر کر اس کام کے لیے چل پڑے تو آپ ﷺ نے انہیں بلایا اور فرمایا: ”واپس آؤ، مجھے قطع رحمی کے ساتھ نہیں بھیجا گیا۔“ اس کے بعد طلحہ رضی اللہ عنہ بیمار ہو گئے تو نبی ﷺ سردی کے موسم میں، ٹھنڈ اور بادلوں کے دن ان کی عیادت کے لیے تشریف لائے۔ جب آپ ﷺ واپس جانے لگے تو ان کے گھر والوں سے فرمایا: ”میں سمجھتا ہوں کہ طلحہ پر موت کے آثار طاری ہو چکے ہیں، لہٰذا مجھے اطلاع دینا تاکہ میں بھی حاضر ہوں اور ان کی نمازِ جنازہ پڑھوں، اور (تجہیز و تکفین میں) جلدی کرنا۔“ نبی ﷺ ابھی بنو سالم بن عوف کے محلے تک نہیں پہنچے تھے کہ طلحہ رضی اللہ عنہ فوت ہو گئے اور رات چھا گئی۔ طلحہ رضی اللہ عنہ نے (وفات سے پہلے) جو باتیں کہی تھیں ان میں یہ بھی تھا: ”مجھے دفن کر دو اور مجھے میرے رب تبارک و تعالیٰ سے ملا دو، اور رسول اللہ ﷺ کو نہ بلاؤ، کیونکہ مجھے آپ ﷺ پر یہود (کی طرف سے کسی ایذا) کا اندیشہ ہے کہ کہیں میری وجہ سے آپ ﷺ کو کوئی تکلیف نہ پہنچ جائے۔“ چنانچہ جب صبح ہوئی تو نبی ﷺ کو خبر دی گئی، آپ ﷺ تشریف لائے یہاں تک کہ ان کی قبر پر کھڑے ہو گئے، لوگوں نے بھی آپ ﷺ کے ساتھ صفیں بنا لیں، تو آپ ﷺ نے دعا فرمائی: «اللَّهُمَّ، الْقَ طَلْحَةَ تَضْحَكُ إِلَيْهِ وَيَضْحَكُ إِلَيْكَ» ”اے اللہ! تو طلحہ سے اس حال میں ملاقات فرما کہ وہ تجھے دیکھ کر مسکرائے اور تو اسے دیکھ کر مسکرائے۔“
امام طبرانی رحمہ اللہ فرماتے ہیں: ”یہ حدیث حصین بن وحوح رضی اللہ عنہ سے صرف اسی سند سے مروی ہے، اس میں عیسیٰ بن یونس منفرد ہیں۔“