المعجم الأوسط

وَبِهِ : عَنِ ابْنِ عَبَّاسٍ قَالَ : لَمَّا مَاتَتْ فَاطِمَةُ أُمُّ عَلِيِّ بْنِ أَبِي طَالِبٍ خَلَعَ رَسُولُ اللهِ صَلَّى اللهُ عَلَيْهِ وَسَلَّمَ قَمِيصَهُ ، وَأَلْبَسَهَا إِيَّاهُ ، وَاضْطَجَعَ مَعَهَا فِي قَبْرِهَا ، فَلَمَّا سَوَّى عَلَيْهَا التُّرَابَ ، قَالَ بَعْضُهُمْ : يَا رَسُولَ اللهِ رَأَيْنَاكَ صَنَعْتَ شَيْئًا لَمْ تَصْنَعْهُ بِأَحَدٍ ، فَقَالَ : إِنِّي أَلْبَسْتُهَا قَمِيصِي لِتَلْبَسَ مِنْ ثِيَابِ الْجَنَّةِ ، وَاضْطَجَعْتُ مَعَهَا فِي قَبْرِهَا لَيُخَفَّفَ عَنْهَا مِنْ ضَغْطَةِ الْقَبْرِ ، إِنَّهَا كَانَتْ أَحْسَنَ خَلْقِ اللهِ إِلَيَّ صَنِيعًا بَعْدَ أَبِي طَالِبٍ .

سیدنا ابن عباس رضی اللہ عنہما سے روایت ہے کہ انہوں نے فرمایا: جب سیدنا علی بن ابی طالب رضی اللہ عنہ کی والدہ سیدہ فاطمہ رضی اللہ عنہا کی وفات ہوئی تو رسول اللہ ﷺ نے اپنی قمیص مبارک اتاری اور انہیں پہنا دی، اور ان کی قبر میں ان کے ساتھ لیٹ گئے۔ پھر جب آپ ﷺ نے ان پر مٹی برابر کر دی تو بعض لوگوں نے عرض کیا: اے اللہ کے رسول! ہم نے آپ کو ایسا عمل کرتے دیکھا ہے جو آپ نے کسی کے ساتھ نہیں کیا۔ تو آپ ﷺ نے فرمایا: ”میں نے انہیں اپنی قمیص اس لیے پہنائی ہے تاکہ انہیں جنت کے لباس پہنائے جائیں، اور میں ان کی قبر میں ان کے ساتھ اس لیے لیٹا تاکہ ان سے قبر کی بھینچ میں تخفیف کر دی جائے؛ بے شک وہ ابوطالب کے بعد اللہ کی مخلوق میں میرے ساتھ سب سے زیادہ حسنِ سلوک کرنے والی تھیں۔“